قازاقستاننىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالاندى

ەلىمىزدىڭ ءبىرقاتار وڭىرىندە 16 شىلدەدە اپتاپ ىستىق بولىپ، نايزاعاي وينادى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاcاپ. كۇندىز 16 شىلدەدە اتىراۋ وبلىسىندا 35-37 گرادۋس قاتتى ىستىق، وبلىستىڭ وڭتۇستىگىندە 40 گرادۋس اپتاپ ىستىق بولادى. وبلىستىڭ باتىسىندا توتەنشە ءورت ءقاۋپى بار. 16 شىلدەدە كۇندىز باتىس قازاقستان وبلىسىنىڭ باسىم بولىگىندە 35-38 گرادۋس ىستىق بولادى. وبلىستىڭ وڭتۇستىك-شىعىسىندا، باتىسىندا توتەنشە ءورت ءقاۋپى ساقتالادى. ورالدا كۇندىز 16 شىلدەدە 35 گرادۋس ىستىق بولادى. 16 شىلدەدە قوستاناي وبلىسىنىڭ سولتۇستىك جارتىسىندا نومەر جاڭبىر جاۋىپ، نايزاعاي وينايدى، بۇرشاق جاۋىپ، داۋىل تۇرادى. سولتۇستىك-باتىستان جەل سوعادى، تۇندە نايزاعاي كەزىندە ەكپىنى 15-20 م/س، كۇندىز باسىم بولىگىندە 15-20، وبلىستىڭ سولتۇستىگىندە، شىعىسىندا ەكپىنى 23 م/س. كۇندىز وبلىستىڭ باسىم بولىگىندە 36 گرادۋسقا دەيىن ىستىق بولۋى ىقتيمال، وڭتۇستىگىندە 40 گرادۋس ىستىق. جوعارى ءورت ءقاۋپى بار. قوستاناي قالاسىندا تۇندە 16 شىلدەدە نوسەر جاڭبىر جاۋادى. سولتۇستىك-باتىستان جەل سوعادى، ەكپىنى 15-20 م/س. 16-17 شىلدەدە تۇركىستان وبلىسىنىڭ سولتۇستىگىندە، باتىسىندا، تاۋلى اۋداندارىندا شىعىستان جەل سوعادى، كۇشى 15-20 م/س. وبلىستىڭ باسىم بولىگىندە توتەنشە ءورت ءقاۋپى بار. كۇندىز وبلىستىڭ باسىم بولىگىندە 41-43 گرادۋس ىستىق بولادى. تۇركىستان قالاسىندا 16-17 شىلدەدە شىعىستان جەل سوعادى، ەكپىنى 15-20 م/س. كۇندىز 41-43 گرادۋس قاتتى ىستىق بولۋى مۇمكىن. شىمكەنتتە 16-17 شىلدەدە كۇندىز 40 گرادۋس ىستىق بولادى. 16 شىلدەدە تۇندە اقمولا وبلىسىنىڭ باتىسىندا، سولتۇستىگىندە، كۇندىز باسىم بولىگىندە نايزاعاي وينايدى. كۇندىز وبلىستىڭ سولتۇستىگىندە، باتىسىندا نوسەر جاڭبىر، بۇرشاق، داۋىل بولادى. سولتۇستىك-شىعىستان سوعاتىن جەل وڭتۇستىككە اۋىسادى، وبلىستىڭ باتىسىندا، سولتۇستىگىندە 15-20 م/س جەتەدى. وبلىستىڭ باسىم بولىگىندە جوعارى ءورت ءقاۋپى بار. كوكشەتاۋدا 16 شىلدەدە كۇندىز كەي ۋاقىتتاردا نوسەر جاڭبىر جاۋىپ، نايزاعاي وينايدى، بۇرشاق جاۋادى. 16 شىلدەدە كۇندىز اقتوبە وبلىسىنىڭ سولتۇستىك-شىعىسىندا سولتۇستىك-باتىستان، سولتۇستىكتەن جەل سوعادى، ەكپىنى 15 م/س. وبلىستىڭ وڭتۇستىگىندە اۋا تەمپەراتۋراسى 35-37 گرادۋسقا كوتەرىلەدى. نۇر-سۇلتاندا 16 شىلدەدە تاڭەرتەڭ جانە كۇندىز نايزاعاي وينايدى. 16 شىلدەدە كۇندىز قىزىلوردا وبلىسىندا 43 گرادۋس ىستىق بولۋى ىقتيمال. وبلىستىڭ باسىم بولىگىندە توتەنشە ءورت ءقاۋپى بار. قىزىلوردا قالاسىندا 16 شىلدەدە كۇندىز 43 گرادۋس قاتتى ىستىق بولادى. توتەنشە ءورت ءقاۋپى ساقتالادى. 16 شىلدەدە كۇندىز پاۆلودار وبلىسىنىڭ باتىسىندا، وڭتۇستىگىندە نايزاعاي وينايدى. سولتۇستىك- شىعىستان جەل سوعادى، نايزاعاي كەزىندە ەكپىنى 18 م/س. پاۆلودار قالاسىندا 16 شىلدەدە كۇندىز نايزاعاي وينايدى. سولتۇستىك-شىعىستان جەل سوعادى، نايزاعاي كەزىندە ەكپىنى 18 م/س جەتۋى مۇمكىن. 16 شىلدەدە كۇندىز سولتۇستىك قازاقستان وبلىسىنىڭ باسىم بولىگىندە جاڭبىر، وبلىستىڭ باتىسىندا نوسەر جاۋىن جاۋادى. وبلىستىڭ سولتۇستىگىندە، باتىسىندا، وڭتۇستىگىندە نايزاعاي ويناپ، كۇندىز بۇرشاق جاۋىپ، داۋىل تۇرادى. تۇندە جانە تاڭەرتەڭ وبلىستىڭ سولتۇستىك-شىعىسىندا تۇمان تۇسەدى. شىعىستان، سولتۇستىك-شىعىستان جەل سوعادى، كۇندىز وبلىستىڭ سولتۇستىگىندە، باتىسىندا، وڭتۇستىگىندە كۇشى 15-20 م/س، ەكپىنى 23 م/س جەتۋى مۇمكىن. پەتروپاۆلدا 16 شىلدەدە نايزاعاي وينايدى.