قازاقستاننىڭ بەس وقۋشىسى بالقان وليمپياداسىنان مەدالمەن ورالدى

زياتكەرلىك جارىسقا 18 ەلدەن جۇزدەن استام وقۋشى قاتىستى.

بالقان وليمپياداسىندا قازاقستاندىق وقۋشىلار 1 كۇمىس جانە 4 قولا مەدال جەڭىپ الدى. زياتكەرلىك جارىسقا 18 ەلدەن جۇزدەن استام وقۋشى قاتىستى.  كوماندالىق ەسەپتە قازاقستان ۇلتتىق قۇراماسى 6-شى ورىنعا تۇراقتادى، دەپ حابارلايدى Almaty-akshamy.kz ق ر ءبىلىم جانە عىلىم مينيسترلىگىنە سىلتەمە جاساپ.

ەلىمىزدىڭ اتىنان نۇر-سۇلتان، الماتى جانە قاراعاندى قالالارىنان 6 وقۋشى قاتىستى. جەڭىمپازداردىڭ قاتارىندا: كۇمىس مەدال يەگەرى تاير ساتۋبالدين، قولا جۇلدەگەرلەر: نۇراسىل ءابدىرازاق، راحيم بايمۋرزين، يۋريي تەن، باتىرحان ساكەنوۆ جانە قۇرمەت گراموتاسىمەن سام فەتۋللاح ماراپاتتالدى.

«وليمپيادانىڭ تۋرنيرلىك كۇنىندە جاس ماتەماتيكتەردىڭ الدىنا قيىن مىندەت قويىلدى. ولار ءتورت تاپسىرمانى شەشۋى ءتيىس بولدى. ءبىزدىڭ وقۋشىلار بالقان ەلدەرى، سونداي-اق ۇلىبريتانيا، يتاليا، ءازىربايجان، وزبەكستان جانە قىرعىزستان ەلدەرىنىڭ ءبىلىم الۋشىلارى قاتىسقان جارىستا جاقسى ناتيجەلەر كورسەتتى»، - دەپ اتاپ ءوتتى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ.

بيىل ماتەماتيكادان بالقان وليمپياداسى 6-10 قىركۇيەك ارالىعىندا ءوتتى.