«قازگيدرومەت» رمك ەل اۋماعىندا 13 ساۋىردە بولاتىن ءقاۋىپتى مەتەورولوگيالىق قۇبىلىستارعا بولجام جاسادى.
دەرەكتەرگە قاراعاندا، اتموسفەرالىق فرونتالدى بولىكتەر قازاقستاننىڭ سولتۇستىگى، ورتالىعى مەن وڭتۇستىگىندە ءوز اسەرىن ساقتايتىن بولادى، دەپ حابارلايدى aqshamnews.kz.
- نايزاعاي ويناپ، جاڭبىر جاۋادى، كۇندىز ەلدىڭ سولتۇستىگى مەن ورتالىعىندا قاتتى جاڭبىر جاۋادى. رەسپۋبليكانىڭ قالعان اۋماعىندا جاۋىن-شاشىنسىز اۋا رايى بولجانادى. ق ر بويىنشا جەلدىڭ كۇشەيۋى، تۇمان، وڭتۇستىگىندە داۋىل، شاڭدى داۋىل، سولتۇستىگى مەن ورتالىعىندا بۇرشاق كۇتىلەدى، - دەلىنگەن اقپاراتتا.
تۇندە باتىس قازاقستان وبلىسىنىڭ باتىسى مەن سولتۇستىگىندە، اقتوبە وبلىسىنىڭ سولتۇستىگىندە، قوستاناي، اقمولا، سولتۇستىك قازاقستان وبلىستارىنىڭ باتىسىندا 3 گرادۋس ۇسىك ءجۇرۋى مۇمكىن.