قازاقستاننىڭ بەس وبلىسىندا داۋىلدى ەسكەرتۋ جاريالاندى

نۇر-سۇلتاندا كۇندىز نايزاعاي وينايدى

17 مامىردا قازاقستاننىڭ ەلورداسى مەن بەس وبلىسىندا داۋىلدى ەسكەرتۋ جاريالاندى. «قازگيدرومەت» رمك جەل سوعىپ، نايزاعاي وينايتىنىن مالىمدەدى، دەپ حابارلايدى Almaty-akshamy.kz.

كۇندىز قاراعاندى وبلىسىنىڭ باتىسىندا جانە سولتۇستىگىندە نايزاعاي وينايدى. وڭتۇستىك-باتىستان جەل سوعادى. كۇندىز باتىستا، وبلىستىڭ سولتۇستىگىندە جەل ەكپىنى 15-20 م/س جەتەدى.

قاراعاندىدا كۇندىز نايزاعاي بولادى. وڭتۇستىك-باتىستان جەل سوعادى، كۇندىز جەل ەكپىنى 18 م/س.

باتىس قازاقستان وبلىسىنىڭ شىعىسىندا، سولتۇستىك-باتىسىندا نايزاعاي وينايدى. وڭتۇستىك-باتىستان، باتىستان جەل سوعادى. كۇندىز وبلىستىڭ باتىسىندا جەل ەكپىنى 15-20 م/س بولادى.

سولتۇستىكتە، قىزىلوردا وبلىسىنىڭ ورتالىعىندا شاڭدى داۋىل سوعادى. كۇندىز سولتۇستىك-باتىستان سوعاتىن جەل سولتۇستىكتە، وبلىس ورتالىعىندا 15-20 م/س.

سولتۇستىكتە، باتىستا، كۇندىز اقمولا وبلىسىنىڭ وڭتۇستىگىندە نايزاعاي وينايدى، بۇرشاق جاۋۋى مۇمكىن. وڭتۇستىك-باتىستان سوعاتىن جەل ەكپىنى تۇندە سولتۇستىكتە، وبلىستىڭ باتىسىندا 15-20 م/س جەتەدى. كۇندىز باسىم بولىگىندە 15-20، وبلىستىڭ سولتۇستىگى مەن باتىسىندا ەكپىنى 23 م/س جەتەدى.

نۇر-سۇلتاندا كۇندىز نايزاعاي وينايدى. وڭتۇستىك-باتىستان، باتىستان سوعاتىن جەل ەكپىنى 15-20 م/س بولادى.

تۇركىستان وبلىسىنىڭ تاۋلارىندا كۇندىز نايزاعاي بولادى. سولتۇستىكتە شاڭدى داۋىل سوعادى. كۇندىز وڭتۇستىك-باتىستان سوعاتىن جەل ەكپىنى 15-20 م/س بولادى.