تەك وسى جىلدىڭ باسىنان بەرى ەلىمىزدەن 15،6 مىڭ توننا بالىق سىرتقا ساتىلدى.
بۇل تۋرالى ەكولوگيا جانە تابيعي رەسۋرستار ءمينيسترى ەرلان نىسانبايەۆ ايتتى، دەپ حابارلايدى Almaty-akshamy.kz.
ۇكىمەت 2021 جىلعى ساۋىردە بالىق شارۋاشىلىعىن دامىتۋدىڭ 2030 جىلعا دەيىنگى باعدارلاماسىن قابىلداعان. ونىڭ اياسىندا 2030 جىلعا قاراي 270 مىڭ توننا بالىق ءوسىرۋ، ىشكى تۇتىنۋدى جىلىنا 134 مىڭ تونناعا دەيىن ۇلعايتۋ جانە بالىقتىڭ تابيعي پوپۋلياسياسىن 7 پايىزعا ارتتىرۋ كوزدەلىپ وتىر.
«باعدارلاما شەڭبەرىندە قابىلدانعان شارالاردىڭ ناتيجەسىندە سالاداعى بيزنەستىڭ ىسكەرلىك بەلسەندىلىگىنىڭ ءوسۋى بايقالادى. ماسەلەن 2020 جىلمەن سالىستىرعاندا بالىق ءوسىرۋ شارۋاشىلىعىنىڭ سانى 2 ەسە ارتىپ، 383-كە جەتتى. بالىق ءوسىرۋ 9 مىڭ توننادان 19 مىڭ تونناعا دەيىن ءوستى»، - دەيدى ق ر ەكولوگيا جانە تابيعي رەسۋرستار ءمينيسترى ەرلان نىسانبايەۆ.