قازاقستان كوممەرسيالىق اتوم ەنەرگەتيكاسىندا جاڭا ويىنشى بولۋى مۇمكىن، الايدا بۇل سالا ەل ءۇشىن مۇلدەم تىڭ ەمەس.
اتوم ەنەرگياسى جونىندەگى حالىقارالىق اگەنتتىكتىڭ جوبالىق مەنەدجەرى چيرايۋ باترانىڭ ايتۋىنشا، قازاقستان ۋرانعا باي مەملەكەت رەتىندە ۇلتتىق يادرولىق باعدارلامانى دامىتۋعا تولىقتاي قابىلەتتى.
ونىڭ پىكىرىنشە، ەلىمىزدە يادرولىق عىلىم مەن زەرتتەۋ سالاسىندا مول تاجىريبە جيناقتالعان، سوندىقتان ادامي رەسۋرستاردى دامىتۋ قيىنعا سوقپايدى.
«قازاقستاننىڭ اتوم ەنەرگەتيكاسى سالاسىندا تاجىريبەسى مول بولعاندىقتان، نورماتيۆتىك بازانى ازىرلەۋ دە وڭاي جۇزەگە اسادى»، – دەيدى ساراپشى. سونىمەن قاتار، حالىقارالىق اگەنتتىكتىڭ نۇسقاۋلارى مەن تالاپتارى دا قازاقستان ءۇشىن قولجەتىمدى ءارى جەڭىل ورىندالادى. دەگەنمەن، باترانىڭ ايتۋىنشا، ۇلتتىق يادرولىق باعدارلامانى تابىستى جۇزەگە اسىرۋ ءۇشىن قوعامدىق جانە ساياسي قولداۋ قاجەت.
قازاقستاننىڭ باي ۋران قورى ستراتەگيالىق ارتىقشىلىق بولىپ سانالادى. ساراپشىنىڭ پىكىرىنشە، بۇل رەسۋرستى دۇرىس پايدالانۋ ارقىلى ەلدەگى ەنەرگيا قورىن ارتتىرۋعا مۇمكىندىك مول. ءبىراق اتوم قۋاتىنىڭ ارتىقشىلىقتارى مەن تاۋەكەلدەرىن حالىققا اشىق تۇردە ءتۇسىندىرۋ ماڭىزدى.