حالىقتىق شتاب مۇشەلەرى «AMANAT» پارتياسىنىڭ باستاۋىش پارتيا ۇيىمدارىنىڭ (بپۇ) بەلسەندىلەرىمەن كەزدەستى، دەپ حابارلايدى aqshamnews.kz
باستاۋىش پارتيا ۇيىمدارى اەس سالۋ يدەياسىن حالىق اراسىندا ىلگەرىلەتۋدە ماڭىزدى ءرول اتقارادى. سەبەبى ولاردىڭ ەل اۋماعىندا كەڭ تارالعان جەلىسى بار جانە تۇرعىندارعا اقپاراتتى ءتيىمدى جەتكىزۋ مۇمكىندىگى جوعارى. بپۇ بەلسەندىلەرى جەرگىلىكتى جەرلەردە بەدەلى مەن ىقپالى ارقىلى تۇرعىندارعا اتوم ەلەكتر ستانساسىنىڭ ەل بولاشاعى ءۇشىن ماڭىزىن تۇسىندىرۋگە كومەكتەسەدى، كۇمان مەن ۇرەيلەردى جويادى، سونداي-اق ازاماتتاردى الداعى رەفەرەندۋمعا بەلسەندى قاتىسۋعا جۇمىلدىرادى.
سولتۇستىك قازاقستان وبلىسىنىڭ تۇرعىندارى دا اەس قۇرىلىسىنىڭ ماڭىزىن تولىق ءتۇسىنىپ، ەنەرگەتيكالىق ماسەلەلەردى شەشۋدە اتوم ەنەرگەتيكاسىنىڭ ءرولىن قولدايدى. ولار اتوم ستانسياسى قۇرىلىسىنا داۋىس بەرۋگە دايىن ەكەنىن ءبىلدىردى.
باستاۋىش پارتيا ۇيىمدارىنىڭ قاتىسۋى رەفەرەندۋمدا قازاقستاندىقتاردىڭ سانالى ءارى ماڭىزدى تاڭداۋ جاساۋىنا سەپتىگىن تيگىزەدى.