ءابۋ-ل-حاسان رۋداكي — تاجىك كلاسسيكالىق ادەبيەتىنىڭ نەگىزىن سالۋشى، فيلوسوف.
سەنات ءتوراعاسى ماۋلەن اشىمبايەۆ پەن قازاقستانعا رەسمي ساپارمەن كەلگەن تاجىكستان ولي ءماجليسى ميللي ءماجليسىنىڭ ءتوراعاسى رۋستامي ەمومالي اقىن، تاجىك جانە پارسى كلاسسيكالىق ادەبيەتىنىڭ نەگىزىن قالاۋشى ءابۋ ابداللاح رۋداكيدىڭ ەسكەرتكىشىن اشۋ راسىمىنە قاتىستى، دەپ حابارلايدى Almaty-akshamy.kz
«ايقىن» باسىلىمىنىڭ جازۋىنشا، ەسكەرتكىشتىڭ اشىلۋ سالتاناتىندا ءسوز سويلەگەن ماۋلەن اشىمبايەۆ بۇل شارا قازاقستان استاناسىنىڭ مادەني ومىرىندەگى ماڭىزدى وقيعا بولىپ تابىلاتىنىن جانە قازاقستان-تاجىك ىنتىماقتاستىعىنىڭ دامۋ تاريحىنا ەنەتىنىن اتاپ ءوتتى.
«قازاقستاندا ۇلى اقىن ءابۋ ابداللاح رۋداكيدىڭ شىعارماشىلىق مۇراسىن جوعارى باعالايدى. ونىڭ پوەزياسى الەمدىك مادەنيەتتىڭ قازىناسىنا ەندى. ومار حاييام، نيزامي، فيردوۋسي، ءدجامي جانە رۋمي سياقتى شىعىستىڭ كورنەكتى اقىندارى مەن جازۋشىلارى رۋداكيدىڭ شىعارماشىلىعىنان ءوسىپ شىقتى. بۇگىن ءبىز ونىڭ اتى بەرىلگەن كوشەدە تاجىك جانە پارسى كلاسسيكالىق ادەبيەتىنىڭ نەگىزىن قالاۋشى ابۋ ابداللاح رۋداكيگە ەسكەرتكىش اشامىز. دۋشانبەدە قازاقتىڭ ۇلى ويشىلى اباي اتىنداعى كوشە بار ەكەنىن بىلەمىز. ەكىجاقتى قارىم-قاتىناستاردا مادەني-رۋحاني بايلانىستار ءاردايىم بەرىك كوپىر جانە ىرگەتاس بولىپ قالا بەرەدى. كورنەكتى تۇلعالارىمىزدىڭ ەستەلىكتەرىن قۇرمەتتەۋ ءبىزدى قۋانتادى»، – دەدى سەنات ءتوراعاسى.
رۋداكيدىڭ ولەڭدەرى قاليجان بەكحوجين، عالي ورمانوۆ، تايىر جاروكوۆ، قاجىم جۇماعالييەۆتەردىڭ اۋدارماسى ارقىلى قازاق وقىرمانىنا تانىلعان.