ق ر قارۋلى كۇشتەرى اسكەري-تەڭىز كۇشتەرىنىڭ بەس اسكەري قىزمەتشىسى باحرەين كورولدىگىنىڭ ماناما قالاسىندا سۋ استى مينالارىن تازارتۋ بويىنشا حالىقارالىق كۋرستارعا قاتىستى.
پارسى شىعاناعى اكۆاتورياسىندا پراكتيكالىق سۇڭگۋ بارىسىندا اسكەري قىزمەتشىلەر سۋ استىنداعى جارىلعىش زاتتاردى انىقتاۋ جانە بەيتاراپتاندىرۋ تاكتيكاسىن پىسىقتادى.
– مۇنداي ءىس-شارالارعا قاتىسۋ وزىق ادىستەمەلەر مەن تەحنولوگيالاردى قابىلداۋعا مۇمكىندىك بەرەدى. جاعالاۋ ايماقتارىندا قاۋىپسىزدىكتى قامتاماسىز ەتۋ جونىندەگى وپەراسيالارعا دايىندىقتى ارتتىرۋعا جانە سەرىكتەس ەلدەردىڭ ارىپتەستەرىمەن ءوزارا ءىس-قيمىلدى نىعايتۋعا ىقپال ەتەدى، – دەپ ءتۇسىندىردى كاپيتان-لەيتەنانت جانىبەك سالىقبايەۆ.
سونداي-اق، سۋ استى مينالارىن تازارتۋ بويىنشا كۋرستار حالىقارالىق اسكەري ىنتىماقتاستىق اياسىندا وتكىزىلگەنىن اتاپ وتەمىز.