قازاقستاننىڭ 13 وڭىرىندە اۋا رايىنا بايلانىستى ەسكەرتۋ جاريالاندى

سينوپتيكتەر قازاقستاننىڭ ءبىرقاتار وڭىرىندە كۇن بۇزىلادى، دەپ حابارلايدى Almaty-akshamy.kz «قازگيدرومەت» رمك باسپا ءسوز قىزمەتىنە سىلتەمە جاساپ.
اباي اۋدانىنىڭ وڭتۇستىگىندە توتەنشە ءورت ءقاۋپى ساقتالادى.
اقمولا وبلىسىنىڭ سولتۇستىگىندە، باتىسىندا كۇن كۇركىرەپ، بۇرشاق جاۋۋى ىقتيمال. تاڭەرتەڭ جانە كۇندىز وبلىستىڭ سولتۇستىك، شىعىس، باتىس بولىگىندە وڭتۇستىك-باتىستان سوعاتىن جەلدىڭ ەكپىنى 15-20 م/س جەتۋى مۇمكىن. كوكشەتاۋ قالاسىندا كۇندىز نايزاعاي جارقىلدايدى. وڭتۇستىك-باتىستان جەل سوعىپ، كۇندىز ەكپىنى 15-20 م/س دەيىن جەتەدى.
الماتى وبلىسىنىڭ سولتۇستىگى مەن وڭتۇستىگىندە كۇندىز كۇن 35 گرادۋسقا دەيىن ىسيدى.
اتىراۋ وبلىسىنىڭ باتىسىندا وڭتۇستىك-باتىستان سوعاتىن جەل سولتۇستىك-شىعىسقا اۋىسىپ، ەكپىنى 15-20 م/س دەيىن جەتەدى. وڭتۇستىكتە كۇندىز 38 گرادۋسقا دەيىن قاتتى ىستىق ساقتالادى. وبلىستىڭ وڭتۇستىگىندە توتەنشە ءورت ءقاۋپى بار.
جەتىسۋ وبلىسىندا كۇندىز 35 گرادۋس ىستىق بولادى.
قاراعاندى وبلىسىنىڭ وڭتۇستىگىندە كۇندىز كۇن 37 گرادۋسقا دەيىن ىسيدى.
قوستاناي وبلىسىنىڭ سولتۇستىك جارتىسىندا نايزاعاي ويناپ، قاتتى جەل سوعادى. كۇندىز وبلىستىڭ سولتۇستىگىندە بۇرشاق جاۋادى. وڭتۇستىك-باتىستان سوعاتىن جەل سولتۇستىكتە سولتۇستىك-باتىسقا اۋىسادى، وبلىستىڭ شىعىسىندا جەل ەكپىنى 15-20، كۇندىز 23 م/س دەيىن جەتەدى. كۇندىز وبلىستىڭ وڭتۇستىگىندە، شىعىس بولىگىندە 38 گرادۋس ىستىق بولادى. وبلىستىڭ باسىم بولىگىندە جوعارى ءورت ءقاۋپى ساقتالادى، وبلىستىڭ وڭتۇستىگىندە توتەنشە ءورت ءقاۋپى بار. قوستاناي قالاسىندا نايزاعاي جارقىلدايدى. وڭتۇستىك-باتىستان سوعاتىن جەل سولتۇستىك-باتىسقا اۋىسىپ، كۇندىز ەكپىنى 15-20 م/س دەيىن جەتەدى.
قىزىلوردا وبلىسىندا كۇندىز وبلىستىڭ وڭتۇستىك بولىگىندە سولتۇستىك-شىعىستان سوعاتىن جەلدىڭ كۇشى 15-20 م/س جەتۋى ىقتيمال. كۇندىز 40 گرادۋسقا دەيىن قاتتى ىستىق بولاتىنى كۇتىلۋدە. ءورت ءقاۋپى ساقتالۋدا. قىزىلوردا قالاسىندا توتەنشە ءورت ءقاۋپى بار.
كۇندىز ماڭعىستاۋ وبلىسىنىڭ باتىسى مەن شىعىسىندا شاڭدى داۋىل سوعادى. وڭتۇستىك-شىعىس، وڭتۇستىكتەن جەل سوعىپ، كۇندىز باتىستا، شىعىس بولىگىندە ەكپىنى 15-20 م/س دەيىن جەتەدى. كۇندىز وبلىستىڭ باسىم بولىگىندە 41 گرادۋس قاتتى ىستىق كۇتىلەدى. وبلىستىڭ وڭتۇستىگىندە وتە جوعارى ءورت ءقاۋپى ساقتالۋدا. اقتاۋ قالاسىندا كۇندىز شاڭدى داۋىل سوعادى دەپ كۇتىلۋدە. كۇندىز وڭتۇستىك-شىعىستان، وڭتۇستىكتەن ەكپىنى 15-18 م/س جەل سوعادى.
نۇر-سۇلتان قالاسىندا كۇندىز 35 گرادۋسقا دەيىن اپتاپ ىستىق بولادى. جوعارى ءورت ءقاۋپى بار.
پاۆلودار وبلىسىنىڭ سولتۇستىگىندە تۇندە نايزاعاي وينايدى. وبلىستىڭ سولتۇستىگىندە وڭتۇستىكتەن جەل سوعىپ، كۇندىز ەكپىنى 15-20 م/س دەيىن جەتەدى. كۇندىز 35-37 گرادۋس قاتتى ىستىق بولادى. پاۆلوداردا كۇندىز 35-36 گرادۋس قاتتى ىستىق كۇتىلەدى.
كۇندىز سولتۇستىك قازاقستان وبلىسىنىڭ سولتۇستىگىندە، باتىسىندا نايزاعاي ويناپ، داۋىل كوتەرىلەدى، بۇرشاق جاۋۋى ىقتيمال. وڭتۇستىك-باتىستان جەل سوعادى، تۇندە وبلىستىڭ وڭتۇستىك-شىعىسىندا جەل ەكپىنى 15-20 م/س، كۇندىز وبلىستىڭ باسىم بولىگىندە 15-20 م/س، كەي جەرلەردە 23-28 م/س دەيىن جەتەدى. كۇندىز وبلىستىڭ وڭتۇستىگىندە 35 گرادۋسقا دەيىن قاتتى ىستىق كۇتىلەدى. پەتروپاۆل قالاسىندا كۇندىز وڭتۇستىك-باتىستان 15-20 م/س جىلدامدىقپەن جەل سوعىپ، كەي جەرلەردە ەكپىنى 23 م/س دەيىن جەتەدى.
تۇركىستان وبلىسىنىڭ تاۋلى ايماقتارىندا كۇندىز شىعىستان 15-20 م/س جىلدامدىقپەن جەل سوعادى. اۋداننىڭ باسىم بولىگىندە توتەنشە ءورت ءقاۋپى ساقتالادى.