3 قىركۇيەكتە قازاقستاننىڭ باسىم بولىگىندە بۇلتتى جانە قۇرعاق كۇن رايى كۇتىلەدى. تەك سولتۇستىك-باتىستا، سولتۇستىكتە جانە باتىستا اتموسفەرالىق فرونتتاردىڭ وتۋىمەن وتكىنشى جاڭبىر جاۋىپ، كۇن كۇركىرەيدى، بۇرشاق جاۋۋى مۇمكىن. رەسپۋبليكا بويىنشا كەي جەرلەردە جەل كۇشەيىپ، باتىستا شاڭدى داۋىل تۇرادى. Almaty-akshamy.kz بۇل تۋرالى Inform.kz-كە سىلتەمە جاساپ حابارلايدى.
جامبىل، قىزىلوردا، تۇركىستان، اقتوبە، الماتى، جەتىسۋ، اتىراۋ وبلىسىنىڭ باتىسى مەن وڭتۇستىگىندە، باتىس قازاقستان، اباي، قوستاناي، قاراعاندى، ۇلىتاۋ وبلىستارىنىڭ باسىم بولىگىندە توتەنشە ءورت ءقاۋپى بولادى. اقمولا، قوستاناي وبلىستارىنىڭ باسىم بولىگىندە جوعارى ءورت ءقاۋپى ساقتالادى.
كۇندىز اقمولا، الماتى، جامبىل، اتىراۋ، قىزىلوردا، ماڭعىستاۋ، ۇلىتاۋ وبلىستارىنىڭ باسىم بولىگىندە، اتىراۋ، اقتوبە، سولتۇستىك قازاقستان، قاراعاندى وبلىستارىنىڭ وڭتۇستىگىندە، قوستاناي وبلىسىنىڭ وڭتۇستىگىندە، شىعىسىندا، پاۆلودار وبلىسىنىڭ باسىم بولىگىندە قاتتى ىستىق بولادى.
نۇر-سۇلتان قالاسىندا كۇن رايى جاۋىن-شاشىنسىز بولادى. وڭتۇستىك-باتىستان جەل سوعادى، كۇشى تۇندە 5-10، كۇندىز 9-14 م/س قۇرايدى. اۋا تەمپەراتۋراسى تۇندە +19+21°س، كۇندىز +34+36°س بولادى.
الماتى قالاسىندا سەنبى جاۋىن-شاشىنسىز وتەدى. جەلدىڭ كۇشى – 2-7 م/س. تەمپەراتۋرا باعامى تۇندە +17+19°س، كۇندىز +31+33°س كورسەتەدى.
شىمكەنت قالاسىندا جاۋىن-شاشىن بولمايدى. شىعىستان جەل سوعادى، كۇشى – 8-13 م/س. اۋا تەمپەراتۋراسى تۇندە +17+19°س، كۇندىز +34+36°س بولادى.