2021 جىلى ەلىمىزدە 430،2 مىڭ توننا ماي ءوندىرىلدى.
بيىلعى 9 ايدا، وتكەن جىلدىڭ سايكەس كەزەڭىمەن سالىستىرعاندا ەلىمىزدە وسىمدىك مايى 25،3% - عا ارتىق وندىرىلگەن دەپ حابارلايدى Almaty-akshamy.kz Inbusiness.kz سىلتەمە جاساپ.
Energyprom.kz پورتالىنىڭ دەرەگىنشە، وڭىرلىك بولىنىستە ەڭ كوپ ءونىم وندىرگەن شىعىس قازاقستان وبلىسى، 181 مىڭ توننا، جىل ىشىندەگى ءوسىم 16%. جەتەكشى وڭىرلەر ۇشتىگىندە اباي وبلىسى - 61،7 مىڭ توننا جانە شىمكەنت قالاسى، 41،6 مىڭ توننا ءونىم العان، ءوندىرىس 29،1% ازايعان.
جالپى، 2021 جىلى ەلىمىزدە 430،2 مىڭ توننا ماي ءوندىرىلدى، ءبىر جىل بۇرىنعىدان 11،3%-عا از. سەكتورداعى ءوندىرىستىڭ 83،5% — ى تازارتىلماعان (247،7 مىڭ توننا، وتكەن جىلمەن سالىستىرعاندا 89،1% - عا ارتىق) جانە تازارتىلعان (104،7 مىڭ توننا، 4،6% ازايعان) كۇنباعىس مايىنا تيەسىلى.
وسىمدىك مايىنىڭ باسقا تۇرلەرىنىڭ اراسىندا تازارتىلعان جانە تازارتىلماعان راپس مايى (ءبىر جىلدا 9،9%، 23،6 مىڭ تونناعا دەيىن ۇلعايدى) جانە ماقسارى مايى (2%، 1،4 مىڭ تونناعا دەيىن ارتتى) سياقتى ساناتتاردا ءوندىرىس كولەمى ءوستى.
تازارتىلعان جانە تازارتىلماعان سويا مايى (39،5% - عا، 8،8 مىڭ تونناعا دەيىن)، سونداي-اق ماقتا مايىنىڭ (22،8% - عا، 6 مىڭ تونناعا دەيىن) ءوندىرىسى ايتارلىقتاي قىسقاردى.
بيىلعى قاڭتار-تامىز ايلارىنىڭ قورىتىندىسى بويىنشا جەرگىلىكتى كومپانيالار وسىمدىك مايىنا سۇرانىستى (ىشكى نارىقتا وتكىزۋ جانە ەكسپورت) 81،2% - عا قامتاماسىز ەتتى. ءبىر جىل بۇرىن قامتۋ - 78،4% ەدى.
وسى كەزەڭدە جەرگىلىكتى ءوندىرىس 19،3% - عا، 369،8 مىڭ تونناعا دەيىن ءوستى. يمپورت، كەرىسىنشە، 0،2%، 85،4 مىڭ تونناعا دەيىن قىسقاردى. يمپورت ۇلەسى 18،8% بولدى، ءبىر جىل بۇرىن 21،6% بولعان ەدى.
ەسەسىنە ەكسپورتى بىردەن 1،9 ەسەگە، 201،4 مىڭ تونناعا دەيىن ءوسىپ، 44،2% بولدى، ءبىر جىل بۇرىن-26،6% ەدى. ىشكى نارىقتا وسىمدىك مايلارىنىڭ بارلىق ءتۇرىن ساتۋ 253،8 مىڭ توننانى قۇرادى، وتكەن جىلمەن سالىستىرعاندا 12،6% - عا از.
جەرگىلىكتى كومپانيالار كۇنباعىس مايىنا سۇرانىستى 82،7% - عا قامتاماسىز ەتتى، ءبىر جىل بۇرىن 79،2% ەدى. يمپورت سايكەسىنشە 17،3%-دى قۇرادى.
ۋكرايناداعى سوعىسقا بايلانىستى جەتكىزۋ جەلىلەرى بۇزىلعاننان ەلىمىز ءۇشىن جاڭا ەكسپورتتىق باعىتتار پايدا بولدى. شىعىس قازاقستاننىڭ ماي وندىرۋشىلەرى بيىل العاش رەت ەۋروپا نارىعىنا شىقتى. ۋكراينا سوعىسقا بايلانىستى كۇنباعىس مايىن ءوندىرۋ باسىمدىعىنان ايىرىلدى، ال رەسەي سانكسيالارعا بايلانىستى ادەتتەگى تۇتىنۋشىلارىنان ايىرىلدى. ەندى بۇل تاۋاشانى قازاقستان يگەرۋدە.
اعىمداعى جىلدىڭ قىركۇيەگىندە وسىمدىك مايىنىڭ باعاسى ءبىر جىلدا 16،6% - عا ءوستى. ونىڭ ىشىندە كۇنباعىس مايى جىلدىق ديناميكادا 16،4% — عا، ءزايتۇن مايى 22% - عا قىمباتتادى.
ماڭعىستاۋ وبلىسىنىڭ تۇرعىندارى وسىمدىك مايى باعاسىنىڭ قىمباتتاعانىن قاتتى سەزدى: ءبىر جىلدا 23،9% - عا ءوستى. انتيليدەرلەر ۇشتىگىندە الماتى وبلىسى (ءبىر جىلدا 23،8%) جانە الماتى (23،4%) كىردى. جىل ىشىندە وسىمدىك مايى باعاسى ەڭ از وسكەن ءوڭىر – ەلوردا، 7،1%-عا ءوستى.