پرەزيدەنت كوميسسيا قىزمەتىنە جەكە باقىلاۋدى جۇزەگە اسىرۋعا نيەتتى.
قازاقستان پرەزيدەنتىنىڭ ەكونوميكالىق رەسۋرستاردى زاڭسىز شوعىرلاندىرۋعا قارسى ءىس-قيمىل ماسەلەلەرى جونىندەگى ۆەدومستۆوارالىق كوميسسيا قۇرۋ تۋرالى جارلىعىنىڭ تولىق ءماتىنى جاريالاندى، دەپ حابارلايدى Almaty-akshamy.kz Egemen.kz سىلتەمە جاساپ.
پرەزيدەنت ەلدەن زاڭسىز شىعارىلعان قاراجاتتى قازاقستانعا قايتارۋ، سونداي-اق زاڭسىز جولمەن الىنعان ەكونوميكالىق رەسۋرستاردىڭ مونوپوليالىق شوعىرلانۋىن انىقتاۋ، ولاردى مەملەكەتكە قايتارۋ ماقساتىندا ۆەدومستۆوارالىق كوميسسيا قۇرۋعا قاۋلى ەتتى.
كوميسسيا قۇرامى كەلەسىدەي بەكىتىلدى:
- باس پروكۋرور، ءتوراعا؛
- باس پروكۋروردىڭ ورىنباسارى، ءتوراعانىڭ ورىنباسارى؛
- ۇلتتىق بانك ءتوراعاسى؛
- پرەمەر-مينيستردىڭ ورىنباسارى - سىرتقى ىستەر ءمينيسترى؛
- پرەمەر-مينيستردىڭ ورىنباسارى - قارجى ءمينيسترى؛
- «سامۇرىق-قازىنا» ءۇاق» اق باسقارما ءتوراعاسى؛
- ۇلتتىق قاۋىپسىزدىك كوميتەتىنىڭ ءتوراعاسى؛
- باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى؛
- قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى؛
- قارجى مونيتورينگى اگەنتتىگىنىڭ ءتوراعاسى؛
- سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى؛
- ىشكى ىستەر ءمينيسترى؛
- ادىلەت ءمينيسترى.
ۆەدومستۆوارالىق كوميسسياعا ءبىر اپتا مەرزىمدە ۆەدومستۆوارالىق كوميسسيا تۋرالى ەرەجەنىڭ جوباسىن پرەزيدەنتتىڭ قاراۋىنا ەنگىزۋ تاپسىرىلدى.
بۇدان باسقا، كوميسسيا ەكى اپتادا ءبىر رەت ءوز جۇمىسى تۋرالى ەسەپ بەرەدى. جارلىقتىڭ ورىندالۋىن باقىلاۋ پرەزيدەنت اكىمشىلىگىنە جۇكتەلگەن. جارلىق قول قويىلعان كۇنىنەن باستاپ قولدانىسقا ەنگىزىلدى.
ايتا كەتسەك، 5 ماۋسىمدا مەملەكەت باسشىسى قاسىم-جومارت توقايەۆ قازاقستان ازاماتتارىنىڭ شەتەلگە زاڭسىز اكەتىلگەن قاراجاتتى قايتارۋ جونىندە كوميسسيا قۇرعانى حابارلاندى. پرەزيدەنت كوميسسيا قىزمەتىنە جەكە باقىلاۋدى جۇزەگە اسىرۋعا نيەتتى.