ەكى مينيسترلىك بىرلەسكەن شەشىم قابىلدادى. قازاقستان ءىرى قارا مالدى ەكسپورتتاۋعا شەكتەۋ قويدى
قازاقستان رەسپۋبليكاسىنىڭ اۋىل شارۋاشىلىعى ءمينيسترى مەن قازاقستان رەسپۋبليكاسىنىڭ قارجى ءمينيسترى 2021 جىلدىڭ 1 قازانىنداعى «اۋىل شارۋاشىلىعى جانۋارلارىن ەكسپورتتاۋدىڭ كەيبىر ماسەلەلەرى تۋرالى» بىرلەسكەن بۇيرىققا قول قويدى، دەپ حابارلايدى Almaty-akshamy.kz
«قازاقستان رەسپۋبليكاسىنىڭ اۋماعىنان التى اي مەرزىمگە الىپ شىعۋعا تىيىم سالىنعان تاۋارلاردىڭ تىزبەسى بەكىتىلسىن»، - دەلىنگەن قۇجاتتا.
تىزىمگە ءمۇيىزدى ءىرى قارا مەن ۇساق انالىق مال ەنگىزىلگەن.
بۇيرىق 2021 جىلعى 15 قازاندا كۇشىنە ەنەدى.