قازاقستانعا سىرت ەلدەردەن كوشىپ كەلگەندەر سانى ەكى ەسە ارتتى

بيىلعى جىلدىڭ العاشقى توقسانىندا 4 مىڭنان اسا ادام ەلدە تۇپكىلىكتى تۇرۋ ءۇشىن تىركەلگەن.

بۇل وتكەن جىلدىڭ سايكەس كەزەڭىمەن سالىستىرعاندا ەكى ەسە جوعارى، دەپ حابارلايدى Almaty-akshamy.kz 

ۇلتتىق ستاتيستيكا بيۋروسىنىڭ دەرەگىنە جۇگىنسەك، يمميگرانتتاردىڭ باسىم بولىگىن كورشىلەس  وزبەك ەلىنىڭ ازاماتتارى قۇراپ وتىر. ەكىنشى ورىندا رەسەيدەن كەلگەندەر تۇر.

سونىمەن قاتار قازاقستانعا ازيانىڭ وزگە دە ەلدەرىنەن كوشىپ كەلۋشىلەر سانى كوبەيگەن. ماسەلەن، جىلدىڭ العاشقى ءۇش ايىندا تۇركىمەنستاننان كەلگەن ميگرانتتار سانى وتكەن جىلعا قاراعاندا 6، مونعوليالىقتار 4، جۇڭگو مەن تاجىكستاننان ەكى ەسە جوعارى.

سونداي-اق يمميگرانتتار رەسپۋبليكانىڭ قاي ايماقتارىندا ءجيى شوعىرلاناتىنى بەلگىلى بولدى. ماسەلەن، وزبەك ازاماتتارىنىڭ 50 پايىزدان استامى ماڭعىستاۋ وبلىسىندا، قالعانى ەلىمىزدىڭ وڭتۇستىك وڭىرلەرىندە تىركەلگەن. رەسەيدەن كەلگەندەر كوبىنە ەلىمىزدىڭ باستى ەكى مەگاپوليسى - الماتى مەن نۇر-سۇلتاندى تاڭدايدى ەكەن.

ءبىر ايتا كەتەرلىگى، جىلدىڭ العاشقى توقسانىندا تىركەلگەن شەتەل ازاماتتارىنىڭ جارتىسىنان استامى ۇلتىن قازاق دەپ كورسەتسە، 15 پايىز يمميگرانت ورىس، ال 7% قاراقالپاق ۇلتىنىڭ وكىلدەرى ەكەنىن ايتقان. سونداي-اق قازاقستانعا جۇڭگو، پارسى، چۋۆاش جانە باسقا دا ۇساق ەتنوس وكىلدەرى قونىس اۋدارعان.