الماتىدا ءۇي جانۋارلارىن چيپتەۋ جۇمىسى باستالدى

136 مىڭنان استام ءۇي جانۋارىنا چيپ سالىندى.

الماتىدا ءۇي جانۋارلارىنا چيپ ەنگىزۋ جۋرگىزىلىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.   

قالالىق ۆەتەريناريا قىزمەتىنىڭ مالىمەتىنشە، چيپتەۋدىڭ ناتيجەسىندە بۇگىندە الماتىدا 136 246 ءۇي جانۋارى (90 035 – يت، 46 319 – مىسىق) رەسمي تىركەلدى. 

«تەگىن چيپتەۋ باعدارلاماسى بويىنشا بيىل قالادا 15 مىڭ يت پەن مىسىقتى قامتۋ جوسپارلانىپ وتىر. بۇل شارا قالا اۋماعىنداعى ءۇي جانۋارلارىنىڭ ەسەبىن جۇرگىزۋگە، قۇتىرۋ اۋرۋىنا قارسى ەكپە مەن دەگەلمينتيزاسيانى ءتيىمدى جوسپارلاۋعا ىقپال ەتەدى. دەرەكتەر قورىنا، اقپارات پاسپورتىنا جانۋار مەن ونىڭ يەسى، ميكروچيپ ءنومىرى تۋرالى اقپاراتتى مىندەتتى تۇردە ەنگىزۋ كەلەشەكتە ءۇي جانۋارلارىنىڭ ەسەبىن جۇرگىزۋ جۇمىسىن تولىق بەلسەندى ەتۋگە مۇمكىندىك بەرەدى»، - دەلىنەدى ۆەدومستۆو حابارلاماسىندا. 

ۆەدومستۆو اقپاراتىنا سايكەس، ميكروچيپ ءومىر بويىنا جانۋاردىڭ تەرىسىنىڭ استىنا ەنگىزىلەدى. وندا 15 تاڭبالى ساننان تۇراتىن ءنومىر بار. 

ايتا كەتەيىك، چيپتەۋ جۇمىسىن ۆەتەريناريا قىزمەتىنىڭ جۇمىسشىلارى اۋلالاردى ارالاۋ كەزىندە اقىسىز نەگىزدە جۇرگىزەدى.