اتوم ەلەكتر ستانسياسى تۇراقتى ەنەرگەتيكانى قامتاماسىز ەتەدى. ينۆەستورلار ءۇشىن تۇراقتى ەلەكتر ەنەرگياسى ماڭىزدى، ويتكەنى زاۋىتتاردىڭ توقتاۋسىز جۇمىس ىستەۋى قاجەت.
ەكسپورتتىق شارتتاردى ورىنداۋ دا وسى تۇراقتى ەنەرگياعا بايلانىستى. ەگەر ءبىز الەمدىك دەڭگەيدەگى زاۋىتتاردى تارتقىمىز كەلسە، ولارعا تۇراقتى ەنەرگيا كوزىن ۇسىنۋىمىز كەرەك.
ءقازىر الەمدەگى ءىرى ەلدەر اەس-تەن باس تارتپايدى. ءبىز اتوم ەلەكتر ستانسياسى قۇرىلىسىنا قاتىستى ءتيىستى تالداۋلار جاسادىق. قازاقستانعا سوڭعى تەحنولوگيالار نەگىزىندەگى ستانسيا قاجەت.
ونى وڭتۇستىك كورەيا، رەسەي، جۇڭگو جانە فرانسياداعى كومپانيالار جۇزەگە اسىرا الادى. ءبىز اەس سالاتىن ەلدەردى ىرىكتەگەندە، ستانسيا جابدىقتارىنىڭ باسىم بولىگى سول ەلدە وندىرىلەتىنىنە نازار اۋدارۋىمىز كەرەك.
سونىمەن قاتار، بولاشاقتا بۇل ەلدەر بولشەكتەردى قامتاماسىز ەتۋدە قيىندىق تۋعىزباۋى ءتيىس. سوندىقتان وسى ماڭىزدى اسپەكتىلەرگە ەرەكشە ءمان بەرۋ قاجەت.