قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى ەلىمىزگە تۇرمىستىق پيروتەحنيكالىق زاتتاردىڭ يمپورتى بويىنشا قىزىقتى ستاتيستيكامەن ءبولىستى.
اعىمداعى جىلدىڭ قاڭتار-قاراشا ايلارى ارالىعىندا ەلىمىزگە جالپى سالماعى 231،1 توننا قۇنى 663،9 مىڭ اقش دوللارىن قۇرايتىن وتشاشۋلار يمپورتتالعان، وعان پەتاردالار، فونتاندار، وتشاشۋ باتارەيالارى، بەنگال وتتارى، ءتۇرلى-تۇستى تۇتىندەر، جەر ءۇستى وتشاشۋلارى جانە باسقا دا تۇرمىستىق پيروتەحنيكالىق زاتتار كىردى. مۇنداي زاتتاردى نەگىزىنەن يمپورتتاۋشى ەل - جۇڭگو، دەپ حابارلايدى اlmaty-akshamy.kz.
گەرمانيادان، ۇلىبريتانيادان جانە اقش-تان جالپى سالماعى 0،1 توننا، قۇنى 17،6 مىڭ اقش دوللارىن قۇرايتىن وتشاشۋدى از مولشەردە اكەلگەن. 2022 جىلمەن سالىستىرعاندا اعىمداعى جىلى ەلگە قۇنى 215،0 مىڭ اقش دوللارىنا، 71،8 تونناعا كوپ پيروتەحنيكالىق زاتتار يمپورتتالعان. وتكەن جىلدىڭ قاڭتار-قاراشا ايلارىندا قازاقستانعا جالپى سالماعى 159،4 توننا، قۇنى 448،9 مىڭ اقش دوللارى بولاتىن وتشاشۋلار جەتكىزىلدى. 2022 جىلى، سونداي-اق 2023 جىلى نەگىزگى جەتكىزۋشى جۇڭگو، از مولشەردە گەرمانيادان، گرۋزيادان، كيپردەن، نورۆەگيادان، اقش-تان، چەرنوگوريادان جانە چەحيادان يمپورتتالعان.
ەسكەرتپە: ماتەريالدىڭ نەگىزى رەتىندە قازاقستان رەسپۋبليكاسىنىڭ ءۇشىنشى ەلدەرمەن (ەاەو قۇرامىنا كىرمەيتىن) كەدەندىك ستاتيستيكاسى، دەكلاراسيالانعان كەدەندىك قۇن نەگىزىندە سوما، سالماعى – نەتتو پايدالانىلدى.