قازاقستانعا گۋمانيتارلىق كومەك رەتىندە امەريكا ۆاكسينا بەرەدى

وسى كەلىسىمگە قازاقستاننىڭ اتىنان دەنساۋلىق ساقتاۋ ءمينيسترى اجار عينيات قول قويادى.

قازاقستان رەسپۋبليكاسىنىڭ ۇكىمەتى مەن اقش دەنساۋلىق ساقتاۋ جانە الەۋمەتتىك قامسىزداندىرۋ مينيسترلىگى اراسىنداعى گۋمانيتارلىق كومەك كورسەتۋ تۋرالى كەلىسىمگە قول قويۋ تۋرالى قاۋلى ازىرلەندى، دەپ حابارلايدى Almaty-akshamy.kz

امەريكا قازاقستانعا گۋمانيتارلىق كومەك رەتىندە COVID-19-عا قارسى ۆاكسينا بەرەدى

قۇجاتتا Pfizer-BioNTech شىعارعان COVID-19 ۆاكسيناسى اقش-تا 5-11 جاستاعى بالالار اراسىندا توتەنشە جاعدايدا قولدانۋعا رۇقسات ەتىلگەن جانە بۇگىنگى كۇنگە دەيىن اقش-تىڭ ازىق-تۇلىك جانە دارى-دارمەك باسقارماسى (FDA) بەكىتپەگەن نەمەسە ليسەنزيالانباعان ۆاكسيناسىن بەرۋدى كوزدەيدى.

قازاقستان ونى پايدالانۋ جاۋاپكەرشىلىگىن موينىنا الادى جانە ماتەريالداردىڭ رەسپۋبليكاعا ۋاقىتىلى جەتۋىن قامتاماسىز ەتۋ ءۇشىن قاجەتتى شارالاردى قابىلدايدى.

ماتەريالدار قازاقستان رەسپۋبليكاسىنا يمپورتتالادى جانە سالىقتاردى، الىمدار مەن كوميسسيالاردى تولەۋ بويىنشا قانداي دا ءبىر مىندەتتەمەلەرسىز حالىقتى ۆاكسيناسيالاۋ ءۇشىن قولدانىلادى.

وسى كەلىسىمگە قازاقستان رەسپۋبليكاسى ۇكىمەتىنىڭ اتىنان قول قويۋ قازاقستان رەسپۋبليكاسىنىڭ دەنساۋلىق ساقتاۋ ءمينيسترى اجار عينياتقا جۇكتەلدى.

قۇجات 21 قاراشاعا دەيىن قوعامدىق تالقىلاۋ ءۇشىن اشىق نقا سايتىندا جاريالاندى.