ۇقك ەسىرتكى زاتتارىن كونتراباندالىق جولمەن تاسىمالداۋ دەرەگى بويىنشا ءۇش شەتەلدىككە جانە ءبىر قازاقستان ازاماتىنا قاتىستى قىلمىستىق ءىستى تەرگەۋدى اياقتادى، دەپ حابارلايدى Almaty-akshamy.kz
«2023 جىلعى اقپاندا ماڭعىستاۋ وبلىسىنىڭ قىلمىستىق ىستەر بويىنشا مامانداندىرىلعان سوتى ەسىرتكى قىلمىسىنا قاتىسۋشىلاردى ق ر قك-نىڭ 286-بابى 4-تارماعىنا سايكەس كىنالى دەپ تاۋىپ، ۇزاق مەرزىمگە بوستاندىقتارىنان ايىرۋ تۋرالى شەشىم شىعاردى»، - دەلىنگەن حابارلامادا.
سوتتالۋشىلار 2022 جىلدىڭ تامىزىندا قازاقستانعا كاسپيي تەڭىزىنىڭ اكۆاتورياسى ارقىلى 10 كەلى اپيىن مەن 8 كەلى گاشيش اكەلمەك بولعان ارەكەتتەرى ءۇشىن ۇستالعان.
«شەتەلدىڭ ازاماتتارى مەملەكەتتىك شەكارانى كىشى كولەمدى قايىقپەن زاڭسىز كەسىپ وتكەن. قىلمىسكەرلەر قولدانعان قايىق جەڭىل ءارى جىلدام قوزعالاتىندىقتان ونى راديولوكاسيالىق قۇرالدارمەن انىقتاۋ قيىندىق تۋدىرعان. ەسىرتكى كوزگە ءتۇسۋ ءقاۋىپ تومەن، ياعني ءتۇن مەزگىلىندە تاسىمالدانعان. قىلمىسكەرلەر ناۆيگاسيا ءۇشىن GPS جانە سپۋتنيكتىق بايلانىس قۇرالدارىن پايدالانعان»، - دەلىنگەن حابارلامادا.
سوت بارىسىندا سوتتالۋشىلاردىڭ كىناسى قىلمىستىق ءىس ماتەريالدارىمەن تولىق دالەلدەنگەنى ايتىلدى. ەسىرتكى بيزنەسىنە قارسى كۇرەس جۇمىسى جالعاسىپ جاتىر.