بۇل 1991 جىلدان بەرگى ستاتيستيكا.
بيىل 4427 ەتنيكالىق قازاق تاريحي اتامەكەنىنە ورالىپ، قانداس مارتەبەسىن العان، دەپ حابارلايدى aqshamnews.kz
رەسمي دەرەكتەردى ەڭبەك جانە حالىقتى الەۋمەتتىك قورعاۋ مينيسترلىگى ۇسىندى.
جىل باسىنان قازاقستانعا كەلگەن قانداستاردىڭ كوپشىلىگى كەلەسى ەلدەردەن كەلدى:
45،8% – قىتايدان؛
40،9% – وزبەكستاننان؛
5،4% – تۇرىكمەنستاننان؛
3% – موڭعوليادان؛
2،3% – رەسەيدەن؛
2،6 – باسقا ەلدەردەن.
2025 جىلعى 1 مامىرداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 59،7%-دى، ەڭبەككە قابىلەتتى جاستان كىشى 31،9%-دى جانە زەينەتكەرلەر 8،4%-دى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 17،4%-ى جوعارى ءبىلىمدى، 26،8%-ى ورتا كاسىبي ءبىلىمدى، 53،6%-ى جالپى ورتا ءبىلىمدى، جانە 2،2% ءبىلىم جوق.
ەڭبەك مينيسترلىگى ەلگە ورالعان ەتنيكالىق قازاقتار رەسپۋبليكانىڭ ءتۇرلى وڭىرلەرىنە قونىستانعانىن اتاپ ءوتتى.
سونىمەن بىرگە، قانداستاردى قونىستاندىرۋ ءۇشىن كەلەسىدەي ەڭبەك كۇشى تاپشى وڭىرلەر انىقتالدى:
اقمولا وبلىسى؛
اباي وبلىسى؛
قوستاناي وبلىسى؛
پاۆلودار وبلىسى؛
اتىراۋ وبلىسى؛
باتىس قازاقستان وبلىسى؛
شىعىس قازاقستان وبلىسى؛
سولتۇستىك قازاقستان وبلىسى.
قونىستاندىرۋ وڭىرلەرىندە 2025 جىلعا ارنالعان قانداستاردى قابىلداۋ كۆوتاسى 2 309 ادامدى قۇرايدى. 2025 جىلعى 1 ساۋىردەگى جاعداي بويىنشا قونىستاندىرۋ وڭىرلەرىنە 765 قانداس قونىس اۋداردى.
ۆەدومستۆو جوعارىدا اتالعان وڭىرلەردە قونىستانعان قانداستارعا كوشۋگە سۋبسيديا تۇرىندە مەملەكەتتىك قولداۋ شارالارى ۇسىنىلاتىندىعىن ايتتى:
ءبىر مەزگىلدە وتاعاسىنا جانە وتباسىنىڭ ءاربىر مۇشەسىنە 70 اەك (275،2 مىڭ تەڭگە) مولشەرىندە؛
تۇرعىن ءۇي جالداۋعا جانە كوممۋنالدىق قىزمەتتەرگە اقى تولەۋگە – ءبىر جىل ىشىندە 15-تەن 30 اەك (59-دان 118 مىڭ تەڭگەگە دەيىن) مولشەرىندە.
جىل باسىنان بەرى 339 قانداسقا ءتۇرلى قولداۋ شارالارى كورسەتىلىپ، 136 ادام تۇراقتى جۇمىسقا ورنالاستىرىلعان.
ال، جالپى 1991 جىلدان بەرى رەسپۋبليكاعا 1 ملن 152 مىڭنان استام ەتنيكالىق قازاق ورالعان.