قازاقستاندىقتارعا گرانتتاردى سلوۆاكيا، ءازىربايجان جانە ۆەتنام ەلدەرى بولەدى.
ق ر بعم باستاماسىمەن جاسالعان ۇكىمەتارالىق كەلىسىمدەر شەڭبەرىندە قازاقستاندىقتار تەگىن وقي الاتىن ەلدەردىڭ سانى ارتتى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
وسىلايشا، 2019 جىلى ءبىلىم بەرۋ سالاسىنداعى كەلىسىم اياسىندا مەملەكەتتەر سانى 7 بولسا، 2021 جىلى ولاردىڭ قاتارى 10-عا دەيىن ارتتى.
مەملەكەتتەردىڭ قاتارىندا ۆەنگريا، پولشا، قحر، ۋكراينا، بەلارۋس، قىرعىزستان جانە تاجىكستان بار. وتكەن ەكى جىلدا مىڭعا جۋىق قازاقستاندىق وسى ەلدەردىڭ جەتەكشى جوعارى وقۋ ورىندارىندا تەگىن ءبىلىم الدى. بيىل قازاقستاندىقتارعا 500-گە جۋىق گرانت ءبولىندى. ۇكىمەتارالىق گرانتتار اياسىندا قازاقستاندىقتار باكالاۆريات، ماگيستراتۋرا، دوكتورانتۋرا، رەزيدەنتۋرا باعدارلامالارى بويىنشا وقي الادى.