شارۋالار مەن ساۋداگەرلەر ارنايى كەلىسىمگە كەلدى.
الماتى وبلىسىنىڭ شارۋالارى ءوز ونىمدەرىن الماتىداعى ساۋدا ورىندارىنا تىكەلەي وتكىزە الادى. شارۋالار مۇنداي مۇمكىندىككە ارنايى قول قويىلعان مەموراندۋم ارقىلى قول جەتكىزە الادى، دەپ حابارلايدى Almaty-akshamy.kz Eldala.kz سايتىنا سىلتەمە جاساپ.
ءونىم الماتىلىقتار مەن الماتى ايماعىنىڭ تۇرعىندارى ءۇشىن بەلگىلەنگەن باعامەن ساتىلاتىن بولادى. اتالعان شارالار مەملەكەت باسشىسىنىڭ الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جونىندەگى تاپسىرماسىن ىسكە اسىرۋ بولىپ تابىلادى.
«بۇعان دەيىن ماۋسىم ايىندا اكك اۋىل شارۋاشىلىعى وندىرۋشىلەرىنىڭ ساۋدا جەلىلەرىمەن كەزدەسۋىن ۇيىمداستىردى، ونىڭ قورىتىندىسى بويىنشا ءسۇت جانە ءسۇت ونىمدەرىن، قانت، جۇمىرتقا جانە باسقا دا ازىق-تۇلىكتەردى تىكەلەي جەتكىزۋ تۋرالى كەلىسىمدەرگە قول جەتكىزىلدى. ءبىزدىڭ ماقساتىمىز الماتى وبلىسىنىڭ وندىرۋشىلەرىنە ساۋدا جەلىلەرىمەن ءوزارا بايلانىستى ورناتۋعا جانە جەتكىزىلىمدەردى كەلىسىمشارتتارمەن بەكىتۋگە كومەكتەسۋ بولىپ تابىلادى»، - دەدى «جەتىسۋ» اكك باسقارما ءتوراعاسىنىڭ ورىنباسارى ازامات راحيموۆ.
وسى جاعدايعا بايلانىستى وتكىزىلگەن كەزدەسۋلەر اياسىندا تاۋار وندىرۋشىلەرگە مەملەكەتتىك قولداۋ تاسىلدەرى، اتاپ ايتقاندا، اينالىم قاراجاتىن تولىقتىرۋ ءۇشىن جەڭىلدەتىلگەن قارىزدار ۇسىنىلدى، ولار ءونىمنىڭ وزىندىك قۇنىن تومەندەتىپ، حالىق ءۇشىن تاۋارلاردىڭ قولجەتىمدى بولۋىن قامتاماسىز ەتۋى ءتيىس.
«الماتى اكىمى باقىتجان ساعىنتايەۆتىڭ تاپسىرماسى بويىنشا مەگاپوليستىڭ ازىق-تۇلىك قاۋىپسىزدىگىن قامتاماسىز ەتۋ جۇمىستارى جالعاسۋدا. بۇل ەرەكشە باقىلاۋدا تۇرعان ستراتەگيالىق ماڭىزدى ماسەلە. بۇگىن ءبىز ەت، ماي جانە كۇرىش جەتكىزۋ تۋرالى مەموراندۋمعا قول قويدىق. الداعى ماۋسىمعا، 2021 جىلدىڭ قىركۇيەگىنەن باستاپ 2022 جىلدىڭ ساۋىرىنە دەيىن ءبىز 22 ملرد تەڭگەگە 2،5 مىڭ توننا كوكونىس ساتىپ الۋ تۋرالى شارت جاسادىق»، - دەپ حابارلادى الماتى قالاسى اكىمىنىڭ ورىنباسارى ماقسات كيكيموۆ.