سالىمشىلاردىڭ شوتتارىندا 13،97 ترلن تەڭگە جيناقتالعان.
بجزق مالىمەتتەرىنە سايكەس، 2022 جىلعى 1 قىركۇيەكتەگى جاعداي بويىنشا، سالىمشىلاردىڭ شوتتارىندا 13،97 ترلن تەڭگە جيناقتالعان. ءبىر جىل ىشىندە بۇل سوما 1،02 ترلن تەڭگەگە نەمەسە 7،9%-عا ءوستى، دەپ حابارلايدى Almaty-akshamy.kz Egemen.kz سىلتەمە جاساپ.
قوردا اتاپ وتكەندەي، زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى ەسەبىنەن قالىپتاسىپ، 13،6 ترلن تەڭگەنى قۇرادى.
مىندەتتى كاسىپتىك زەينەتاقى جارنالارى بويىنشا زەينەتاقى جيناقتارىنىڭ سوماسى 416 ملرد تەڭگەنى، ەرىكتى زەينەتاقى جارنالارى بويىنشا زەينەتاقى جيناقتارىنىڭ سوماسى شامامەن 3 ملرد تەڭگەنى قۇرادى.
«2022 جىلدىڭ سەگىز ايىندا سالىمشىلاردىڭ شوتتارىنا شامامەن 1،1 ترلن تەڭگە كولەمىندە زەينەتاقى جارنالارى ءتۇستى، بۇل 2021 جىلدىڭ ۇقساس كەزەڭىندەگى كورسەتكىشتەن 29%-عا نەمەسە 246،7 ملرد تەڭگەگە اسىپ ءتۇستى. جارنالاردىڭ بارلىق تۇرلەرى بويىنشا ءوسىم بايقالعانىن اتاپ ءوتۋ كەرەك. جارنالاردىڭ جالپى كولەمىنىڭ 95،3%-ىن مزج بويىنشا بجزق-عا تۇسىمدەر قۇرايدى، بۇل - 1 ترلن تەڭگە (سوڭعى 12 ايدا ءوسىم 29%)، مكزج بويىنشا 50،1 ملرد تەڭگە (ءوسىم 37%) ءتۇستى. 1،6 ملرد تەڭگە (ءوسىم 293%) ەزج بويىنشا اۋدارىلدى»،- دەلىنگەن بجزق حابارلاماسىندا.
بجزق دەرەكتەرى بويىنشا زەينەتاقى جيناقتارىنىڭ ايتارلىقتاي ءوسۋى 2022 جىلعى 1 قاڭتار مەن 1 قىركۇيەك ارالىعىندا 694،7 ملرد تەڭگەنى قۇراعان تازا ينۆەستيسيالىق تابىس ەسەبىنەن بولدى.
1 قىركۇيەكتەگى جاعداي بويىنشا، بجزق-داعى جەكە زەينەتاقى شوتتارىنىڭ سانى 12 ملن بىرلىكتى قۇرادى. شوتتاردىڭ ەڭ كوپ سانى مىندەتتى زەينەتاقى جارنالارى بويىنشا اشىلدى، بۇل - 10 907 012 بىرلىك. مكزج ەسەبىنەن قالىپتاستىرىلعان شوتتار سانى - 581 410 بىرلىك، ەزج ەسەپكە الۋ بويىنشا جزش 346 793 بىرلىككە تەڭ.
سونىمەن قاتار جىل باسىنان بەرى قور 1 تريلليون تەڭگەدەن استام قاراجات تولەگەن. تولەمدەردىڭ باسىم بولىگى تۇرعىن ءۇي جاعدايىن جاقسارتۋعا جانە ەمدەلۋگە باعىتتالعان.
جاسىنا بايلانىستى تولەمدەر 75،9 ملرد تەڭگەنى، مۇراگەرلىك بويىنشا تولەمدەر - 43،2 ملرد تەڭگەنى، قازاقستان اۋماعىنان تىس جەرلەرگە تۇراقتى تۇرۋعا كەتۋگە بايلانىستى تولەمدەر - 34 ملرد تەڭگەنى قۇرادى، ساقتاندىرۋ ۇيىمدارىنا شامامەن 17،5 ملرد تەڭگە، جەرلەۋگە ارنالعان تولەمدەر - 3،7 ملرد تەڭگە جانە مۇگەدەكتىك بويىنشا تولەمدەر - 1،6 ملرد تەڭگە اۋدارىلدى.
سونداي-اق بجزق كەستە بويىنشا اي سايىنعى ورتاشا تولەم سوماسى (زەينەتكەرلىك جاسقا تولۋىنا بايلانىستى) 29 859 تەڭگەنى، ال اي سايىنعى ەڭ جوعارى تولەم سوماسى 707 326 تەڭگەنى قۇراعانىن حابارلادى.