Facebook-تە الەۋمەتتىك جەلىسىندە ق ر پرەزيدەنتىنىڭ سۋرەتى بار جىل سوڭىنا دەيىن ءاربىر قازاقستاندىقتىڭ كارتاسىنا 150 مىڭ تەڭگەدەن تۇسەتىنى تۋرالى پوست جاريالاندى. بۇل جالعان اقپارات.
قازاقستاننىڭ مەملەكەتتىك ورگاندارىنىڭ سايتتارىندا، ونىڭ ىشىندە ق ر پرەزيدەنتىنىڭ akorda.kz سايتىندا مۇنداي تولەمدەر تۋرالى رەسمي اقپارات جوق. بۇل تۋرالى بۇقارالىق اقپارات قۇرالدارىندا دا حابارلانبادى.
اتالعان اقپاراتتى جاريالاعان «وتەماقى ورتالىعى» دەپ اتالاتىن اككاۋنتتا فەيك پاراقشانىڭ بارلىق بەلگىلەرى بايقالادى.
پروفيلدە كەلتىرىلگەن مالىمەتتەردە +52 كودى بار بايلانىس تەلەفونى جازىلعان، بۇل مەكسيكانىڭ كودى. ال سۋرەتكە قازاقستاننىڭ ەلتاڭباسى قويىلعان. ءبىراق جاريالانىمدار لەنتاسىندا ونىڭ ورنىندا بۇرىن بەلارۋس رەسپۋبليكاسىنىڭ ەلتاڭباسى بولعانىن كورۋگە بولادى.
بۇل كيبەرقىلمىسكەرلەردىڭ ارەكەتى. «وتەماقى ورتالىعى» ارقىلى وتەماقى تولەۋ – بۇل ەسكى الاياقتىق سحەما، ق ر مەملەكەتتىك تەحنيكالىق قىزمەتىنىڭ KZ-CERT ساراپشىلارى ول تۋرالى 2020 جىلى قازاقستاندىقتارعا ەسكەرتكەن بولاتىن.
دەمەك، تارالعان اقپاراتقا سەنبەگەن ءجون.