«قازگيدرومەت» رمك اۋا رايى بولجامىنىڭ دەرەكتەرى بويىنشا الماتى قالاسىنىڭ اۋماعىندا 11-12 جەلتوقسان ارالىعىندا بيىكتىگى 7 سم-گە دەيىن قار جاۋادى دەپ كۇتىلۋدە.
11 جەلتوقسانداعى اۋا تەمپەراتۋراسى 2 گرادۋس اياز دەڭگەيىندە، تۇندە 11 جەلتوقساننان 12 جەلتوقسانعا دەيىن -10...-12، ودان ءارى 12 جەلتوقسانداعى كۇندىزگى كەزەڭدە -20 گرادۋسقا دەيىن تومەندەيدى دەپ كۇتىلۋدە.
قالانىڭ كوممۋنالدىق قىزمەتتەرى كۇشەيتىلگەن جۇمىس رەجيمىنە اۋىستىرىلدى. الماتى قالاسىنىڭ كوممۋنالدىق ينفراقۇرىلىمدى دامىتۋ باسقارماسى 51 پاترۋلدىك بريگادانىڭ كەزەكشىلىگىن ۇيىمداستىردى، 962 جول جۇمىسشىسى، 360 بىرلىك ارنايى تەحنيكا، ونىڭ ىشىندە 124 قۇم تاراتقىش، 31 قار تيەگىش، 32 قار شىعارۋ ءۇشىن ساموسۆال جۇمىلدىرىلدى. قاجەت بولعان جاعدايدا ارنايى تەحنيكانىڭ سانى ارتادى.
اۋا - رايىنىڭ ناشارلاۋىنا بايلانىستى-قار تۇرىندە جاۋىن-شاشىننىڭ كوپ تۇسۋىنە بايلانىستى جۇرگىزۋشىلەر مەن جاياۋ جۇرگىنشىلەر جولدارداعى جاعدايعا قاتىستى اباي بولعاندارى ءجون. جۇرگىزۋشىلەرگە ءقاۋىپسىز جىلدامدىق رەجيمىن ساقتاۋ، اۆتوموبيلدەر اراسىنداعى قاشىقتىق پەن بۇيىرلىك ارالىقتى، ءقاۋىپسىز قاشىقتىقتى ساقتاۋ، جولدا مانيەۆر جاساۋ كەزىندە ۇقىپتى بولۋ قاجەت.
اۋا-رايى قولايسىز بولعاندا جانە قار جاۋعان كەزدە، ءقاۋىپتى جاعدايدا جول-كولىك وقيعاسىنىڭ الدىن الۋ ءۇشىن جىلدامدىقتى مينيمۋمعا دەيىن تومەندەتكەن ءجون. جاياۋ جۇرگىنشىلەر جول بويىندا پايدا بولعان كەزدە وتە مۇقيات بولۋ كەرەك جانە قولايسىز اۋا-رايى جاعدايىندا جاياۋ جۇرگىنشىلەردىڭ كوزقاراسى شەكتەۋلى بولۋى مۇمكىن ەكەنىن ەستە ۇستاعان ءجون. سونداي-اق، جۇرگىزۋشىلەردەن قار تازالاۋ تەحنيكاسىنىڭ جۇمىسىنا كەدەرگى كەلتىرمەۋ ءۇشىن كولىكتەردى تەك وسى ءۇشىن بولىنگەن ورىندارعا قويۋدى سۇرايمىز.
ەسكە سالساق، جولدارداعى، تروتۋارلار مەن قوعامدىق پايدالانۋ ورىندارىندا قار ساپاسىز تازالانعان جاعدايدا Whats App +7 (706) 689 8898 ءنومىرى ارقىلى جازۋعا بولادى.