قازاقستاندىقتاردىڭ پاتەر ساتىپ الۋى جيىلەگەن

بيىل ماۋسىم ايىندا تۇرعىن ءۇيدى ساتىپ الۋ-ساتۋ بويىنشا 31 019 مامىلە تىركەلدى.

مامىر ايىمەن (30 500) سالىستىرعاندا كورسەتكىش 1،7% ارتتى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنىڭ باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمەتىنشە، مامىلەلەردىڭ سانى بويىنشا الماتى جانە نۇر-سۇلتان قالالارى كوش باستاپ تۇر ( 4 410 جانە 3 850 شارت). مامىلە سانى ەڭ از بولعان ءوڭىر سولتۇستىك قازاقستان وبلىسى – 686.

شىعىس قازاقستان (-11%)، اتىراۋ (-9،1%)، باتىس قازاقستان (-7،4%)، قاراعاندى (-5،4%) جانە ماڭعىستاۋ (-4،3%) وبلىستارىندا مامىلەلەر سانىنىڭ تومەندەگەن.

«قازاقستاندىقتاردى كوبىنە كوپ پاتەرلى ۇيلەردەگى تۇرعىن ءۇي قىزىقتىرادى، وندا بارلىعى 21 388 مامىلە جاسالعان. كوپ پاتەرلى ۇيلەردەگى بولمەلەر سانى تۇرعىسىنان 2 بولمەلى پاتەرلەر سۇرانىسقا يە. ماۋسىمدا 8،2 مىڭ 2 بولمەلى، 7،4 مىڭ 1 بولمەلى پاتەر راسىمدەلدى. جەكە ۇيلەر بويىنشا 9 631 مامىلە راسىمدەلدى. جەكە ۇيلەردى وزگە ايماقتارعا قاراعاندا الماتى جانە تۇركىستان وبلىستارىنىڭ تۇرعىندارى كوبىرەك ساتىپ الادى»، - دەپ حابارلادى ۆەدومستۆو.

ايتا كەتەرى، بيىل ماۋسىمدا تۇرعىن ءۇيدى ساتىپ الۋ-ساتۋ مامىلەلەرىنىڭ سانى بىلتىرعى جىلدىڭ ماۋسىمىمەن سالىستىرعاندا 42،6% كەمىدى. ەڭ كوپ تومەندەۋى اتىراۋ وبلىسىندا تىركەلدى – 64،8%.