لوكداۋن 11 شىلدەدەن 18 شىلدەگە دەيىن سوزىلۋى كەرەك.
قىتايداعى ماكاو ارنايى اكىمشىلىك اۋدانىنىڭ بيلىگى دۇيسەنبىدەن باستاپ كوروناۆيرۋستىق ينفەكسيانىڭ قاتتى ورشۋىنە بايلانىستى جەتى كۇندىك لوكداۋن ەنگىزدى، بارلىق كازينولار، كەڭسەلەر مەن قۇرىلىس الاڭدارى جابىلدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
لوكداۋن 11 شىلدەدەن 18 شىلدەگە دەيىن سوزىلۋى كەرەك. اۋرۋحانالار، ءدارىحانالار، بازارلار مەن قاجەتتى تاۋارلارى بار دۇكەندەر قالىپتى رەجيمدە جۇمىس ىستەيدى، ونەركاسىپتىك ءوندىرىس پەن كوممەرسيالىق قىزمەتپەن اينالىساتىن كومپانيالار جۇمىسىن توقتاتتى.
قازىرگى ۋاقىتتا ماكاودا كوروناۆيرۋستىق ينفەكسيانىڭ ءورشۋى ءتورتىنشى اپتاعا جالعاسۋدا، وسى ۋاقىتقا دەيىن ينفەكسيانىڭ 1،5 مىڭعا جۋىق جاعدايى انىقتالدى. ماكاودا اۋرۋدىڭ تارالۋى اياسىندا 10 شىلدە تاڭەرتەڭنەن 11 شىلدەنىڭ ساعات 18.00 -گە دەيىن جالپى قالالىق پتر-تەستىلەۋدىڭ جەتىنشى راۋندى وتەدى، ونىڭ ناتيجەسىندە بيلىك لوكداۋننىڭ كۇشىن جويۋ نەمەسە ۇزارتۋ تۋرالى شەشىم قابىلدايدى.
ارنايى اكىمشىلىك اۋدانىنىڭ ۇكىمەتى كارانتيندىك شارالاردىڭ ورىندالۋى مىندەتتى ەكەنىن، بۇزۋشىلىق ەكى جىلعا باس بوستاندىعىنان ايىرۋ تۇرىندەگى ەڭ جوعارى جازامەن قىلمىستىق جاۋاپتىلىققا اكەپ سوعاتىنىن اتاپ ءوتتى. بيلىك ماكاو تۇرعىندارىن توتەنشە جاعدايسىز ۇيدەن شىقپاۋعا جانە ەپيدەمياعا قارسى شارالاردى قاتاڭ ساقتاۋعا شاقىرادى.