قازاقستاندىقتاردا eGov Mobile-دان جەكە كۋالىكتىڭ سيفرلىق نۇسقاسىن Samsung Wallet ەلەكتروندىق ءاميانىنا ورنالاستىرۋ مۇمكىندىگى پايدا بولدى. جوبانى سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى، «ۇلتتىق اقپاراتتىق تەحنولوگيالار» اق جانە Samsung Electronics Central Eurasia كومپانياسىمەن بىرلەسىپ پيلوتتىق رەجيمدە ىسكە قوستى، دەپ حابارلايدى aqshamnews.kz.
Samsung Wallet-تەگى سيفرلىق جەكە كۋالىك – بۇل جەكە دەرەكتەردى ساقتاۋدىڭ ىڭعايلى جانە ءقاۋىپسىز ءادىسى. ازاماتتار فيزيكالىق تاسىمالداۋشىنى جوعالتۋدان نەمەسە ۇرلاتۋدان قورىقپاي، ءوز قۇجاتتارىن بىردەن سيفرلىق تۇردە ۇسىنا الادى. بارلىق دەرەكتەر جەكە اقپاراتتى سەنىمدى قورعاۋدى قامتاماسىز ەتەتىن كوپدەڭگەيلى قاۋىپسىزدىك جۇيەسىمەن قورعالعان.
بۇل فۋنكسيا Egov Mobile قولدانباسى ورناتىلعان Samsung سمارتفوندارىنىڭ پايدالانۋشىلارى ءۇشىن قولجەتىمدى.
قۇجاتتاردى قوسۋ ءۇشىن پايدالانۋشىعا:
- Egov Mobile قولدانباسىندا اۆتوريزاسيا جاساپ، «سيفرلىق قۇجاتتار» سەرۆيسىنە ءوتۋ كەرەك،
- «جەكە كۋالىك» سيفرلىق قۇجاتىن اشۋ جانە «Samsung Wallet ءاميانىنا قوسۋ» باتىرماسىن باسۋ كەرەك،
- دەربەس دەرەكتەردى وڭدەۋ تۋرالى كەلىسىممەن تانىسۋ، ولاردى وڭدەۋگە ءوز كەلىسىمىن بەرۋ جانە وعان ەسق ارقىلى «قول قويۋ» قاجەت.
سيفرلىق كۋالىكتىڭ اقپاراتتار بولىمىندە كورسەتىلگەن جارامدىلىق مەرزىمى ازاماتتىڭ فيزيكالىق جەكە كۋالىگىندە كورسەتىلگەن مەرزىمگە سايكەس كەلەتىن بولادى. ەگەر ۋاقىت وتە كەلە كۋالىكتەگى اقپارات وزگەرسە، وندا پايدالانۋشى اعىمداعى سيفرلىق كۋالىكتى ءوشىرىپ تاستاپ، فيزيكالىق كۋالىكتى قايتا شىعارعان كەزدە ونى جاڭارتۋ ءۇشىن قايتا قوسا الادى.