بۇگىن استانادا STADA Health Report 2024 زەرتتەۋىنىڭ ناتيجەلەرى بويىنشا پرەزەنتاسيا جانە پرەسس-كونفەرەنسيا ءوتتى.
بۇل تۋرالى Almaty-akshamy.kz El.kz اقپاراتتىق اگەنتتىگىنە سىلتەمە جاساي وتىرىپ حابارلايدى.
زەرتتەۋ اۆتورلارى پسيحيكالىق دەنساۋلىق، وز-وزىڭە كوڭىل ءبولۋ، قارتتىق پەن جالعىزدىققا الاڭداۋ، جەكە باقىت جانە سىرت كەلبەتىنە قاناعاتتانۋ سەكىلدى تاقىرىپتاردى ورتاعا سالدى.
بەلگىلى بولعانداي، قازاقستاننان زەرتتەۋگە قاتىسۋشىلاردىڭ 43%-ى قارتايۋدى ويلاپ الاڭداسا، 74%-ى جاسى كەلۋىنە وراي فيزيكالىق قارتايۋدان قورقادى. ال سۇرالعانداردىڭ 59%-ى سىرت كەلبەتىنىڭ ناشارلايتىنىن ويلايدى-مىس. 56%-ى جاقىندارىنا ماسىل بولۋدان قورىقسا، 50%-ى قارتايعاندا قارجىلىق جاعىنان قىسىلماۋدى ويلايدى. قاتىسۋشىلاردىڭ 48%-ى جاس كەلگەندە پايدا بولاتىن السگەيمەر، پاركينسون، دەمەنسيا سياقتى اۋرۋلاردان قاۋىپتەنەدى.
زەرتتەۋ جۇمىستارى بىرنەشە جىل قاتارىنان 20-دان استام ەلدە جۇرگىزىلىپ كەلەدى. ايماعى – ورتالىق جانە شىعىس ەۋروپا ەلدەرى. زەرتتەۋ بارىسىندا بۇقارا حالىقتىڭ ءوزىن ساۋ ءارى باقىتتى سەزىنۋىنە قاتىستى ساۋالدار قويىلدى. ساۋالناماعا جاسى، جىنىسى، الەۋمەتتىك جاعدايى ءارتۇرلى 2 مىڭنان استام ادام قاتىستى. ناتيجەسىندە سۇرالعانداردىڭ 70%-ى ءوز ومىرلەرىنە قاناعاتتاناتىنىن جاسىرماي ايتتى. شىنى كەرەك، جاھاندىق دارەجەدە دەنساۋلىق ساقتاۋ جۇيەسىنە كوڭىلى تولمايتىندار قاتارى كوپ. دەسە دە، قازاقستان ازاماتتارىنىڭ دارىگەرلەرگە سەنىم ارتۋىنىڭ كۇشەيگەنىن بايقاساق بولادى، - دەپ ءتۇسىندىردى قازاقستان، وزبەكستان، موڭعولياداعى STADA كومپانياسىنىڭ بيزنەس جەتەكىشىسى ناتاليا گاريپوۆا.
زەرتتەۋ ناتيجەلەرى سايكەس، قازاقستان ازاماتتارى دەنساۋلىق ساقتاۋ ماسەلەسىندە وزدەرىن مەيىلىنشە باقىتتى سانايتىنى بەلگىلى بولدى.