تۇرعىنداردىڭ باسىم بولىگى الماتىعا كوشكەن
2022 جىلدىڭ العاشقى ءۇش ايىندا 76،9 مىڭنان استام ادام قازاقستاننىڭ ءبىر وڭىرىنەن ەكىنشىسىنە كوشتى. بۇل 2021 جىلدىڭ سايكەس كەزەڭىمەن سالىستىرعاندا 8،9%-عا از، دەپ حابارلايدى Almaty-akshamy.kz Azattyq Rýhy اگەنتتىگىنە سىلتەمە جاساپ.
LS سايتىنىڭ مالىمەتىنشە، تۇرعىنداردىڭ باسىم بولىگى الماتىعا – 16،9 مىڭ (-0،3%)، ونىڭ ىشىندە الماتى وبلىسىنان – 8372 مىڭ، جامبىل وبلىسىنان – 1731، تۇركىستان وبلىسىنان – 1279، نۇر-سۇلتان قالاسىنان – 1263، شقو – 907، شىمكەنت قالاسىنان – 692، قىزىلوردا وبلىسىنان – 610 ادام كوشىپ كەلدى.
ودان ءارى نۇر-سۇلتان قالاسىنا، اقمولا وبلىسىنان – 3551، تۇركىستان وبلىسىنان – 1671، قاراعاندى وبلىسىنان – 1597، شقو-دان – 1354، پاۆلودار وبلىسىنان – 1131، الماتىدان – 1063، جامبىل وبلىسىنان – 1060 جانە باسقالاردان 16،6 مىڭ ادام (+1،7%) قونىس اۋدارعان.
تانىمالدىلىعى بويىنشا 2022 جىلدىڭ ءى توقسانىنىڭ قورىتىندىسى بويىنشا ءۇشىنشى باعىت الماتى وبلىسى بولىپ تابىلادى – 9044 ادام (-2،6%): الماتىدان – 4844، جامبىل وبلىسىنان – 841، تۇركىستان وبلىسىنان – 799، شقو – 652، نۇر-سۇلتاننان – 462، شىمكەنتتەن – 282.
ءوز كەزەگىندە شىمكەنتكە باسقا وڭىرلەردەن 7768 ادام (-38،3%) كوشىپ كەلدى، ونىڭ 5814ء-ى تۇركىستان وبلىسىنان، 611ء-ى نۇر-سۇلتاننان جانە 325ء-ى الماتىدان.
سونىمەن قاتار، تۇركىستان وبلىسى 2022 جىلدىڭ العاشقى ءۇش ايىندا باسقا وڭىرلەردەن 7135 ادامدى (-8،8%) قابىلدادى: شىمكەنتتەن – 4240، نۇر-سۇلتاننان – 908، الماتىدان – 480، الماتى وبلىسىنان – 356.
سونداي-اق، اقمولا وبلىسىنا 4070 تۇرعىن (+1،7%) كوشكەن، ونىڭ ىشىندە نۇر- سۇلتاننان – 2286، سقو-656 جانە قاراعاندى وبلىسىنان – 190 تۇرعىن.
ال جامبىل وبلىسىنا 2478 ادام (-17،3%) كوشىپ كەلدى: الماتىدان – 616، نۇر-سۇلتاننان – 517، الماتى وبلىسىنان – 424 جانە ت. ب.
قاراعاندى وبلىسى 1986 تۇرعىنمەن تولىقتى (-2،2%): نۇر-سۇلتاننان – 663، تۇركىستان وبلىسىنان – 173، الماتىدان – 154.
باسقا ايماقتارعا كەلەتىن بولساق، شقو-عا 1658 ادام (-14،5%)، قىزىلوردا وبلىسىنا – 1442 (-19،7%)، ماڭعىستاۋ وبلىسىنا – 1424 (-18،9%)، اقتوبە وبلىسىنا – 1298، پاۆلودار وبلىسىنا – 1253 (-4،4%)، قوستاناي وبلىسىنا – 1079 (-9،3%)، اتىراۋ وبلىسىنا – 1072 (+4،3%)، بقو-دا – 903 (-0،9%) جانە سقو-دا – 812 (-23،7%).