ىزدەۋ جۇمىسىنا 86 ادام، 29 تەحنيكا جانە 2 ءجۇزۋ قۇرالى جۇمىلدىرىلدى
قاراعاندى وبلىسىندا 21، 19 جانە 15 جاستاعى ءۇش جىگىت سۋعا باتىپ كەتتى. قۇتقارۋشىلار ەكى ءمايىتتى قۋساق وزەنىنىڭ تۇبىنەن الىپ شىقتى. سۋعا باتىپ كەتكەن تاعى ءبىر جىگىت كەڭگىر سۋ قويماسىنان تابىلدى، دەپ حابارلايدى Almaty-akshamy.kz.
قاراعاندى وبلىسى تجد-نىڭ مالىمەتىنشە، 14 مامىر ساعات 12:00-دە ديسپەچەر پۋلتىنە قوشقار اۋىلىنان وڭتۇستىككە قاراي 3 شاقىرىم جەردە قۇساق اۋىلدىق وكرۋگىندە 2001 جىلى تۋعان جاس جىگىت پەن 2007 جىلى تۋعان ءجاسوسپىرىم جوعالىپ كەتكەنى تۋرالى حابارلاما كەلىپ ءتۇستى.
«ىزدەۋ جۇمىسىنا 86 ادام، 29 تەحنيكا جانە 2 ءجۇزۋ قۇرالى جۇمىلدىرىلدى. ساعات 12:35-تە جەرگىلىكتى تۇرعىندار 2001 جىلى تۋعان مارقۇمنىڭ دەنەسىن وزەننەن تاۋىپ الدى. قازا تاپقان ەكىنشى ادامنىڭ ءمايىتىن قۇتقارۋشىلار 17:55-تە 6 مەتر تەرەڭدىكتەن الىپ شىقتى. وقيعانىڭ ءمان-جايى انىقتالىپ جاتىر»، - دەلىنگەن حابارلامادا.