بيىل ساۋىردە جەكە تۇلعالاردىڭ ەكىنشى دەڭگەيلى بانكتەردەگى سالىمدارى 13،11 ترلن تەڭگە بولدى.
جىلدىق ديناميكادا كورسەتكىش 12،7% ارتقان، دەپ حابارلايدى Almaty-akshamy.kz
ەلدەگى 22 بانكتىڭ 18ء-ى جانە ۇزدىك وندىقتاعى 9 بانك پليۋستە.
بانكتەر اراسىندا ابسوليۋت كوشباسشى – Bank RBK: ءبىر جىلدا پليۋس 47،9%، 351 ملرد تەڭگە. بولشەك دەپوزيتتەر بانك سالىمدارىنىڭ جيىنتىق پورتفەلىندە – 40،3%، وتكەن جىلعى كورسەتكىش – 39%.
ەكىنشى ورىندا مەملەكەتتىك وتباسى بانكى تۇر. ول تۇرعىن ءۇي قۇرىلىس جيناق جۇيەسىنە ماماندانعان قارجى ينستيتۋتى بولىپ سانالادى: ءبىر جىلدا پليۋس 45،2%، 2،09 ترلن تەڭگە.
بيىل وتباسى بانكى ەكىنشى دەڭگەيلى بانك قاتارىنان شىعارىلىپ،
ۇلتتىق دامۋ ينستيتۋتى مارتەبەسىنە يە بولادى.
ۇزدىك ۇشتىكتە – Altyn Bank: ءبىر جىلدا پليۋس 37،8%، 211،3 ملرد تەڭگە. بانكتەگى جەكە تۇلعالاردىڭ سالىمدارى – 35%.
جالپى سەكتوردا بولشەك سالىمدار ءبىر جىل بۇرىنعى دەڭگەيدە، ياعني ەكىنشى دەڭگەيلى بانكتەردەگى جيىنتىق دەپوزيتتىك پورتفەلدىڭ 51% تەڭ.