بيىل قازاقستاننان 4 مىڭ ادام ۇلكەن قاجىلىققا بارادى.
قمدب قاجىلىق ءبولىمىنىڭ مەڭگەرۋشىسى ءجاندىللا بەكجىگىتوۆتىڭ ايتۋىنشا، بيىل ۇلكەن قاجىلىقتىڭ ۋاقىتى 7-12 شىلدە ارالىعى دەپ بەلگىلەندى، دەپ حابارلايدى Almaty-akshamy.kz
قازاقستاننان قاجىلىققا اتتانۋشىلار الماتى، نۇر-سۇلتان، شىمكەنت جانە اقتاۋ قالالارىنان تىكەلەي رەيستەر ارقىلى ساۋد ارابيانىڭ جيددا مەن ءمادينا قالالارىنا بارادى.
ولار وسى ءتورت قالادان 28 ماۋسىم مەن 3 شىلدە ارالىعىندا اتتانىپ، 15-21 شىلدە ارالىعىندا ەلگە ورالادى.
بيىل قاجىلىققا ەلىمىزدەن 4000 ادام اتتانادى. ءبىراق 65 جاستان اسقان قازاقستاندىقتار قاجىلىققا بارا المايدى. ساۋد ارابياسى وسىنداي تالاپ قويعان. قاجىلىق ناۋقانىندا قازاقستاندىق قاجىلارعا 14 تۋريستىك كومپانيا قىزمەت كورسەتەدى.
قازاقستاندىقتاردى قاسيەتتى ساپارعا وتاندىق Air Astana جانە SCAT، ال ساۋد ارابياسى تاراپىنان FlyNas اۋە كومپانياسى تاسىمالدايدى.