قازاقستاننىڭ كەي وڭىرلەرىندە اياز بولادى.
سينوپتيكتەر قازاقستاندا 2022 جىلدىڭ 13-15 قىركۇيەك كۇندەرىنە ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
سولتۇستىك-باتىس سۋىق انتيسيكلون ەلىمىزدىڭ سولتۇستىك جارتىسىنا اسەر ەتەدى.
«رەسپۋبليكانىڭ باتىسىندا، سولتۇستىك-باتىسىندا، شىعىسىندا، وڭتۇستىك-شىعىسىندا اتموسفەرالىق فرونتالدى بولىكتەردىڭ وتۋىمەن جاڭبىر كۇتىلەدى، شىعىستىڭ، وڭتۇستىك-شىعىستىڭ تاۋلى ايماقتارىندا جاڭبىر تۇندە كوكتايعاققا اينالۋى مۇمكىن»، - دەلىنگەن «قازگيدرومەت» رمك اقپاراتىندا.
سينوپتيكتەردىڭ بولجامىنشا، 14-15 قىركۇيەكتە قازاقستاننىڭ شىعىسىندا قاتتى جاڭبىر جاۋادى.
سونداي-اق رەسپۋبليكا بويىنشا قاتتى جەل سوعادى.
15 قىركۇيەكتە تۇندە قازاقستاننىڭ سولتۇستىگىندە، سولتۇستىك-باتىسىندا، ورتالىقتا، شىعىسىندا، وڭتۇستىك-شىعىستىڭ تاۋلى ايماقتارىندا -3°س دەيىن اياز بولۋى مۇمكىن.