ءقازىر مۇنداي ەلدەردىڭ سانى – 79.
قازاقستاندىقتار ۆيزاسىز بارا الاتىن ەلدەردىڭ سانى 100-گە دەيىن ارتادى. بۇل تۋرالى ۇكىمەت وتىرىسىندا مادەنيەت جانە سپورت ءمينيسترىنىڭ مىندەتىن اتقارۋشى اسحات ورالوۆ مالىمدەدى، دەپ حابارلايدى اlmaty-akshamy.kz informburo.kz-كە سىلتەمە جاساپ.
«شەتەلدىك تۋريستەر ءۇشىن قولايلى كليمات جاسالادى. ۆيزاسىز ەلدەردىڭ ءتىزىمىن 100-گە دەيىن ارتتىرۋ (2022 جىلى – 79 ەل) ماسەلەسى جانە جاڭا تىكەلەي رەيستەردى اشۋ پىسىقتالىپ جاتىر»، – دەدى اسحات ورالوۆ.
سونداي-اق، ءمينيستردىڭ مىندەتىن اتقارۋشى سالاداعى ينۆەستيسيالىق احۋالدى جاقسارتۋعا باعىتتالعان شارالار جالعاساتىنىن ايتتى. اتاپ ايتقاندا، دامۋ الەۋەتى بارىنشا جوعارى تۋريستىك دەستيناسيالاردا ءىرى ينۆەستيسيالىق جوبالاردى ىسكە اسىرۋ كوزدەلىپ وتىر.
سونىمەن قاتار، مينيسترلىك وڭىرلەردەگى بيزنەسكە قولداۋ كورسەتەتىن بولادى. قابىلدانعان شارالاردىڭ نەگىزىندە كاسىپكەرلىك بەلسەندىلىك ارتۋى ءتيىس.
«اتالعان شارالار جاڭا سالالىق تۇجىرىمداما شەڭبەرىندە ىسكە اسىرىلادى. ناتيجەسىندە ىشكى تۋريستەر سانى 11 ملن ادامعا دەيىن (2022 جىلى – 8،6 ملن)، ال شەتەلدىك تۋريستەر سانى 4 ملن ادامعا دەيىن (2022 جىلى – 928 مىڭ) وسەدى دەپ بولجاپ وتىرمىز»، – دەدى اسحات ورالوۆ.