قازاقستاندىقتار ۆەتنامعا ۆيزاسىز بارا الادى

قاۋلى 2023 جىلدىڭ 13 ماۋسىمىندا كۇشىنە ەندى.

ۇكىمەت قازاقستان مەن ۆەتنام سوسياليستىك رەسپۋبليكاسىنىڭ ۇكىمەتى اراسىنداعى ۇلتتىق ءتولقۇجاتتاردىڭ يەلەرىن ۆيزالىق تالاپتاردان بوساتۋ تۋرالى كەلىسىمنىڭ جوباسىن ماقۇلدادى، دەپ حابارلايدى Almaty-akshamy.kz

كەلىسىمنىڭ ماتىنىندە ءبىر تاراپ مەملەكەتىنىڭ ازاماتتارى جارامدى مەرزىمى كەمىندە 6 اي بولۋعا ءتيىس ۇلتتىق پاسپورتى بار ازاماتتار قازاقستان رەسپۋبليكاسىنىڭ اۋماعىنا 30 كۇنتىزبەلىك كۇننەن اسپايتىن مەرزىمگە، 180 كۇنتىزبەلىك كۇننىڭ ءار كەزەڭى ىشىندە بارلىعى 90 كۇنتىزبەلىك كۇننەن اسپايتىن مەرزىمگە كىرۋگە، شىعۋعا، ترانزيتپەن وتۋگە، ۋاقىتشا بولۋ ءۇشىن ۆيزالىق تالاپتاردان بوساتىلادى دەپ كورسەتىلگەن.

ەگەر ازاماتتار ەلدە اتالعان مەرزىمنەن ۇزاعىراق بولۋدى جوسپارلاسا، ۆيزا الۋعا ءوتىنىش بەرۋى كەرەك. بۇل رەتتە ءاربىر تاراپ ءوز مەملەكەتىنىڭ زاڭدارى مەن ەرەجەلەرىنە سايكەس ءوز اۋماعىنا كىرۋدەن باس تارتۋ نەمەسە بولۋ مەرزىمىن قىسقارتۋ قۇقىعىن وزىنە قالدىرادى.

مەملەكەتتەر ۇلتتىق قاۋىپسىزدىكتى، قوعامدىق ءتارتىپتى نەمەسە قوعامدىق دەنساۋلىقتى ساقتاۋ ماقساتىندا كەلىسىمدى ۋاقىتشا، ءىشىنارا نەمەسە تولىعىمەن توقتاتا الادى.

كەلىسىمگە قازاقستان ۇكىمەتى اتىنان قول قويۋ وكىلەتتىگى ق ر پرەمەر-مينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋگە بەرىلدى.