قىرعىزستان ۇكىمەتى شەتەل ازاماتتارىنىڭ ەل اۋماعىندا بولۋ ءتارتىبىن بەكىتتى، دەپ حابارلايدى aqshamnews.kz
قۇجاتتىڭ جاڭارتىلعان نۇسقاسىنا سايكەس، شەتەلدىكتەردىڭ ەلدە بولۋ مەرزىمى ازاماتتىعىنا جانە كىرۋ نەگىزىنە قاراي ناقتى ايقىندالعان.
اتاپ ايتقاندا، ەۋرازيالىق ەكونوميكالىق وداققا مۇشە ەلدەردىڭ ازاماتتارى — قازاقستان، ارمەنيا، بەلارۋس جانە رەسەي — قىرعىزستان اۋماعىندا قوسىمشا قۇجات راسىمدەمەي، ءاربىر 180 كۇندىك كەزەڭ ىشىندە 90 كۇنگە دەيىن بولا الادى.
ال وزبەكستان ازاماتتارى ءۇشىن ۆيزاسىز بولۋ مەرزىمى ءار 120 كۇندىك كەزەڭدە 60 كۇنگە دەيىن شەكتەلەدى.
قىرعىزستان پرەمەر-مينيسترىنىڭ ورىنباسارى ەدىل بايسالوۆ اقش مەملەكەتتىك دەپارتامەنتىنىڭ ارەكەتتەرىنە جاۋاپ رەتىندە امەريكالىق ازاماتتار ءۇشىن ۆيزاسىز رەجيمدى قايتا قاراۋ قاجەتتىگىن مالىمدەدى.