15 شىلدەدەن باستاپ.
2024 جىلعى 15 شىلدەدە بيزنەس-يدەيالاردى ىسكە اسىرۋ ءۇشىن گرانتتار الۋعا ەكىنشى اعىن بويىنشا وتىنىمدەردى قابىلداۋ باستالادى ، دەپ حابارلايدى Almaty-akshamy.kz
گرانت مولشەرى – 400 اەك (1 476 800 تەڭگە).
باستاپقى كاپيتال ءوز ءىسىن باستاۋ جانە دامىتۋ ءۇشىن قايتارىمسىز نەگىزدە بەرىلەدى.
ءوتىنىش بەرۋ ءۇشىن سىزگە:
- پورتالدا تىركەلۋ؛
- گرانت الۋ شارتتارىنا سايكەستىگىن تەكسەرۋدەن ءوتۋ؛
- بيزنەس-جوسپار شابلونىن جۇكتەپ الۋ، ونى تولتىرۋ جانە پورتالعا جۇكتەۋ؛
- ءوتىنىش نىسانىن تولتىرىپ، ەسق كىلتىمەن قول قويۋ قاجەت.
ينتەرنەتكە نەمەسە كومپيۋتەرگە قول جەتىمدىلىك بولماعان جاعدايدا، مانساپ ورتالىقتارىنىڭ وزىنە-وزى قىزمەت كورسەتۋ ايماقتارىندا، حالىققا قىزمەت كورسەتۋ ورتالىقتارىندا ءوتىنىش بەرۋگە بولادى.
بيزنەس گرانتىنا كىم يە بولا الادى:
- تىركەلگەن جۇمىسسىزدار؛
- جەكە كاسىپكەرلەر (تىركەۋ مەرزىمى 3 جىلعا دەيىن).
بۇل رەتتە ۇمىتكەر الەۋمەتتىك ساناتتاردىڭ بىرىنە جاتۋعا ءتيىس:
- مۇگەدەكتىگى بار ادامدار؛
- "قانداس" مارتەبەسى بار تۇلعالار؛
- ءوڭىرارالىق قونىس اۋدارۋشىلار؛
- از قامتىلعان وتباسى مۇشەلەرى؛
- كوپ بالالى وتباسىنىڭ مۇشەسى (جۇبايى/زايىبى)؛
- مۇگەدەك بالانى تاربيەلەپ وتىرعان ادام (جۇبايى/زايىبى)؛
- اسىراۋشىسىنان ايرىلۋ بويىنشا جاردەماقى الۋشىلار.
3 جىلدان اسپايتىن مەرزىممەن "باستاۋ بيزنەس" جوباسى بويىنشا كاسىپكەرلىك نەگىزدەرىنە وقىتۋ تۋرالى سەرتيفيكاتتىڭ بولۋى مىندەتتى.