ءماجىلىس دەپۋتاتتارى نۇرگۇل تاۋ، رينات زايتوۆ، يرينا سميرنوۆا، گاۋحار تاناشيەۆا الماتى قالالىق كارديولوگيا ورتالىعى مەن اقساي بالالار ورتالىعى ۇجىمدارىمەن كەزدەستى، دەپ حابارلايدى اlmaty-akshamy.kz.
دەپۋتاتتار س.اسفەندياروۆ اتىنداعى قازاق ۇلتتىق مەديسينا ۋنيۆەرسيتەءتىءنىڭ قۇرامىنا كىرەتىن اقساي بالالار ورتالىعىنا باردى. بۇل – 70 جىلدىق تاريحى بار ەڭ بايىرعى كوپسالالى بالالار ەمدەۋ-دياگنوستيكالىق مەكەمەلەرىنىڭ ءبىرى.
كەيىنگى جىلدارى كلينيكانىڭ تەحنيكالىق بازاسى كەيبىر مەديسينالىق جابدىقتار ءىشىنارا جاڭارتىلدى، ماماندار شەتەلدە بىلىكتىلىگىن ارتتىردى.
الايدا شەشىمىن تاپپاي تۇرعان وزەكتى ماسەلە – كەڭەس زامانىنان قالعان ەسكى عيمارات.
– بۇل جەردە جوعارى بىلىكتى ماماندار جۇمىس ىستەيدى. ءبىز بۇل ەمحانانى جوندەۋگە قارجى ءبولۋ تۋرالى ماسەلەنى كوتەرەمىز، – دەدى «Respublica» فراكسياسىنىڭ ءمۇشەسى، ءماجىلىس دەپۋتاتى نۇرگۇل تاۋ.
ال دەپۋتاتتاردىڭ قالالىق كارديولوگيا ورتالىعىنا ات باسىن بۇرۋىنا ونداعى مەديسينالىق قىزمەتكەرلەردى جۇمىستان شىعارۋعا بايلانىستى ۇجىمدىق ءوتىنىش سەبەپ بولدى. ورتالىقتىڭ باس ديرەكتورى روزا قۋانىشبەكوۆانىڭ ايتۋىنشا، مەكەمەءنىڭ قوماقتى دەبيتورلىق بەرەشەگى بولعان. الايدا ءقازىر جاعداي وزگەرىپ، تابىس تابۋ مۇمكىندىگىنە يە بولدى.
قازاقستان حالىقتىق پارتياسىنان سايلانعان ءماجىلىس دەپۋتاتى گاۋحار تاناشيەۆا اتاپ وتكەندەي، سايلاۋشىلار ءوتىنىشى نازاردان تىس قالمايدى جانە قىزمەتكەرلەر زاڭسىز جۇمىستان شىعارىلعان جاعدايدا مىندەتتى تۇردە ءتيىستى شارالار قابىلدانادى.