ساراپشىلار قازاقستان جولدارىندا اپات كوبەيگەنىن ايتتى. 2022 جىلدىڭ سوڭىندا جول-كولىك وقيعالارىنىڭ سانى 6،4% وسكەن، -دەپ حابارلايدى اlmaty-akshamy.kz Zakon.kz-كە سىلتەمە جاساپ.
«ەگەر جكو سانى 2022 جىلدىڭ باسىنان ءساۋىردىڭ سوڭىنا دەيىن جىل سايىن 2،9% وسسە، ال مامىردان جەلتوقساندى قوسا العاندا بىردەن 7،7% ءوستى»، - دەيدى ماماندار.
Energyprom.kz زەرتتەۋشىلەرىنىڭ مالىمەتىنشە، ناتيجەسىندە جالپى 2022 جىلدىڭ سوڭىنا قاراي جازاتايىم وقيعالاردىڭ سانى 6،4% ءوستى. بۇل - كەيىنگى جىلدارداعى ەڭ ۇلكەن ءوسىم.
ءدال وسىنداي ديناميكا وسى اپاتتاردا زارداپ شەككەندەر سانىنا قاتىستى دا بايقالادى.ونىڭ ۇستىنە، ساراپشىلاردىڭ ايتۋىنشا، جاعدايدى ماۋسىممەن ءتۇسىندىرۋ مۇمكىن ەمەس.
«قىستىڭ ەڭ ءقاۋىپتى ايلارى ءدال ءبىرىنشى كەزەڭگە (ءقاڭتار-ساۋىردى قوسا العاندا) تۇسەدى»
سونىمەن قاتار ەگەر 2021 جىلدىڭ كورسەتكىشىن قاراستىرساق، وندا 2020 جىلمەن سالىستىرعاندا، قاڭتار-ساۋىردە جكو سانىنىڭ جىل سايىنعى ءوسىمى 10،3%، ال مامىر-جەلتوقساندا نەبارى 0،8% بولدى.
4 ناۋرىز كۇنى اقتوبە وبلىسىندا ادام ولىمىنە اكەلگەن اپات بولدى. 9-سىنىپ وقۋشىسى Toyota Land Cruiser كولىگىنىڭ تىزگىنىنە وتىرىپ، ءرۋلدى باسقارا الماعان. سالدارىنان جول تالعامايتىن كولىك اۋدارىلىپ قالدى.