الاكولگە ەندى «تالگومەن» بارا الاسىز

بيلەتتى دە 180 تاۋلىك بۇرىن برونداۋعا بولادى.

بيىلدان باستاپ الاكولگە «تالگو» پويىزى قاتىنايدى، دەپ حابارلايدى Almaty-akshamy.kz

تۋريستەرگە ىڭعايلى بولۋ ءۇشىن العاش رەت الاكولگە «استانا-دوستىق» باعىتى بويىنشا «تالگو» پويىزى ىسكە قوسىلادى.

«بيىل الاكول باعىتىندا استانا، الماتى، شىعىس قازاقستان جانە اباي وبلىستارىنان 11 باعدار قاتىنايدى. العاش رەت «استانا-دوستىق» باعىتى بويىنشا «تالگو» پويىزى جۇرەدى»، - دەپ حابارلايدى «قتج» كومپانياسى.

بىلتىر الاكول جاعالاۋىنا تەمىرجول كولىگىمەن 243 مىڭ جولاۋشى جەتكىزىلگەن. كوبى ەلىمىزدىڭ وڭتۇستىك وڭىرىنەن باردى – 118 مىڭ ادام. سولتۇستىك ايماقتان كولگە جانە كەرى باعىتتا 72 مىڭ جولاۋشى، شقو-دان 52 مىڭ ادام تاسىمالداندى.

«2023 جىلى جولاۋشىلار ورىندارىنىڭ سانىن 6%، ياعني 276 مىڭعا دەيىن ۇلعايتۋ جوسپارلانىپ وتىر»، - دەپ مالىمدەدى كومپانيا.

بيىل تۋروپەراتورلار ءۇشىن كوممەرسيالىق پويىزدارعا بيلەتتەردى ەرتە – پويىز جونەلتىلگەنگە دەيىن 180 تاۋلىكتەن باستاپ برونداۋ ءتارتىبى كۇشىندە بولادى.

«جولاۋشىلار تاسىمالى» اق اكىمدىكتەرمەن، اۋە كومپانيالارىمەن جانە اۆتوتاسىمالداۋشىلارمەن بىرلەسىپ شىمكەنت، پاۆلودار، وسكەمەن، قىزىلوردا قالالارىنان الاكول باعىتىندا ينتەرمودالدى تاسىمالداۋدى (كولىكتىڭ ەكى نەمەسە ودان دا كوپ تۇرىمەن تاسىمالداۋ) قالىپتاستىرۋ ماسەلەسىن قاراستىرادى. ينتەرمودالدىق تاسىمالدى دامىتۋ جونىندەگى جۇمىس توبى قۇرىلادى.