بۇگىن قازاقستاننىڭ مەملەكەتتىك باس سانيتارلىق دارىگەرىنىڭ مىندەتىن اتقارۋشى №7 «2024-2025 جىلعى ەپيدەميالىق ماۋسىمدا تۇماۋ، وتكىر رەسپيراتورلى ۆيرۋستى ينفەكسيا (جرۆي) جانە كوروناۆيرۋسقا قارسى ءىس-شارالار وتكىزۋ تۋرالى» قاۋلىعا قول قويدى، دەپ حابارلايدى aqshamnews.kz.
وعان سايكەس، تومەندەگى ءىس-شارالار جۇرگىزىلەدى:
• 2024 جىلدىڭ 1 قىركۇيەگىنەن باستاپ تۇماۋعا قارسى ۆاكسيناسيا جۇرگىزۋ؛
• مەديسينالىق ۇيىمداردا: كىرەبەرىستى «سۇزگى» جۇمىسىمەن قامتاماسىز ەتۋ، بەتپەردە تاعۋ، انتيسەپتيكتەردىڭ بولۋى؛
• جرۆي، تۇماۋدىڭ بەلگىلەرى بايقالعان ءبىر جاسقا دەيىنگى بالالار مەن جۇكتى ايەلدەردىڭ ۇيگە شاقىرتۋىنا ءبىرىنشى كەزەكتە قىزمەت كورسەتۋ قاراستىرىلعان.
تۇماۋ، جرۆي، كۆي اۋرۋلارىنىڭ الدىن الۋ ءۇشىن كەلەسىدەي پروفيلاكتيكالىق شارالار جۇرگىزۋ ۇسىنىلادى:
• عيماراتتىڭ ءىشىن ءجيى-جيى جەلدەتىپ وتىرۋ؛
• قولدى تازا ۇستاۋ ءۇشىن انتيسەپتيكالىق قۇرالداردى پايدالانۋ؛
• ناۋقاستارمەن بايلانىستى شەكتەۋ، ولارمەن سويلەسسەڭىز، بەتپەردە تاعۋ؛
• مەديسينالىق كومەككە دەر كەزىندە جۇگىنۋ.