ال قالدىقتاردى قايتا وڭدەۋدى 40% دەيىن جەتكىزۋىمىز كەرەك. ەكولوگيا جانە تابيعي رەسۋرستار ءمينيسترىنىڭ مىندەتىن اتقارۋشى ەرلان نىسانبايەۆ وسىلاي دەدى.
بۇل جۇمىستار جاسىل ەكونوميكاعا كوشۋى جونىندەگى تۇجىرىمداماعا سايكەس اتقارىلىپ جاتقانىن جەتكىزدى. جيىندا قاتتى تۇرمىستىق قالدىق پوليگوندارىنىڭ ماسەلەسى دە كوتەرىلدى، دەپ حابارلايدى Almaty-akshamy.kz
ەل بويىنشا ءۇش مىڭنان اسا پوليگون بولسا، ونىڭ 80 پايىزعا جۋىعى ەكولوگيالىق جانە سانيتاريالىق نورمالارعا ساي ەمەس. سوندىقتان الدا وسى ماسەلەنى شەشۋ كەرەكتىگى ايتىلدى.
«اكىمدىكتەرمەن جانە ورتالىق مەملەكەتتىك ورگاندارمەن بىرلەسىپ شاعىن جانە شالعايداعى ەلدى مەكەندەردە قاتتى تۇرمىستىق قالدىق پوليگوندارىن رەسىمدەۋ تەتىكتەرىنىڭ پىسىقتالىپ جاتقاندىعىن اتاپ وتكەن ءجون. اتاپ ايتساق، وسى ورىندارعا قويىلاتىن مىندەتتى ەڭ تومەنگى ەكولوگيالىق، سانيتاريالىق-ەپيدەميولوگيالىق جانە قۇرىلىس سالاسىنداعى تالاپتار تالقىلانۋدا»، - دەپ حابارلايدى ق ر ەكولوگيا جانە تابيعي رەسۋرستار ءمينيسترىنىڭ مىندەتىن اتقارۋشى ەرلان نىسانبايەۆ.