حالىقتىڭ قارجىلىق ساۋاتىن ارتتىرۋعا باعىتتالعان Amanat پارتياسىنىڭ «قارىزسىز قوعام» جوباسى بيىل بارلىق وڭىردە جۇرگىزىلەدى.
وسى ايدا وبلىستار مەن رەسپۋبليكالىق ماڭىزى بار 3 قالادا 150 قارجى ساراپشىسىن وقىتۋ باستالادى، دەپ حابارلايدى Almaty-akshamy.kz
بۇل ماماندار جىل بويى 200 مىڭ قازاقستاندىققا قارجىلىق ساۋات اشۋ ءدارىسىن وقيدى. وندا نەسيە مەرزىمى 90 كۇننەن اسىپ كەتكەن ازاماتتارعا باسىمدىق بەرىلمەك. قارجى ءمينيسترىنىڭ مىندەتىن اتقارۋشى ەرۇلان جاماۋبايەۆتىڭ ايتۋىنشا، حالىقتىڭ شامادان تىس نەسيە الۋى وزەكتى بولىپ تۇر. سوندىقتان جوبا ساراپشىلارى ءار ازاماتقا جەكە-دارا كومەك كورسەتەدى.
«ەلىمىزدىڭ 65 مىڭ تۇرعىنى قارجىلىق ساۋاتتىلىق نەگىزدەرىن وقىپ شىقتى. بۇگىنگى تاڭدا 9 مەملەكەتتىك ورگان جانە 11 مەملەكەتتىك دەڭگەيدەگى بانكتەر اراسىندا الداعى 3 جىلعا ارنالعان ىنتىماقتاستىق تۋرالى مەموراندۋمعا قول قويىلدى. 6 نەگىزگى باعىت بويىنشا 25 ءىس-شارانى قامتيتىن ءتيىستى جول كارتاسى ازىرلەنىپ، ىسكە اسىرىلۋدا»، - دەيدى قارجى ءمينيسترىنىڭ مندەتىن اتقارۋشى ەرۇلان جاماۋبايەۆ.