جىل باسىنان بەرى وتانداستارىمىز تۇرىك ەلىنەن 600-دەن اسا پاتەر ساتىپ العان. مۇنداي مالىمەتتى تۇركيانىڭ مەملەكەتتىك ستاتيستيكا باسقارماسى تاراتتى، - دەپ حابارلايدى Aqshamnews.kz.
اقپاراتقا ساي قازاقستاندىقتار ءۇيدى نەگىزىنەن انتاليا، ىستانبۇل جانە مەرسين قالالارىنان الىپتى. ال تۇركيادان ەڭ كوپ ءۇي العان ەلدەردىڭ كوشباسىندا رەسەي تۇر. كورشى ەلدىڭ ازاماتتارى 2025 جىلى انادولىدان ءۇش مىڭنان اسا پاتەر العان. ودان كەيىنگى ورىنداردا كەزەگىمەن يران جانە ۋكراينا ازاماتتارى. جالپى تۇركيا 2025 جىلى شەتەلدىكتەرگە 20 مىڭعا جۋىق پاتەر ساتقان. قازاقستان ازاماتتارىنىڭ تۇركيادان باسپانا الۋ تەندەنسياسى پاندەميا تۇسىندا باستالدى. ماماندار «بۇعان باسپانا باعاسىنىڭ تومەن بولۋى اسەر ەتتى»،- دەيدى.
قازاقستاندىقتار ەڭ كوپ ءۇي العان قالالار:
- انتاليا
- ىستانبۇل
- مەرسين
2025جىلى تۇركيادان باسپانا العان شەتەلدىكتەر:
- 1. رەسەي فەدەراسياسى – 3 145 پاتەر
- 2. يران – 1 646 پاتەر
- 3. ۋكراينا – 1 348 پاتەر
- 7. قازاقستان – 601 پاتەر
شەتەلدىكتەر ساتىپ العان پاتەرلەردىڭ جالپى سانى – 19 117