ق ر ىشكى ىستەر مينيسترلىگى قازاقستاندىقتاردان قارۋ-جاراق پەن ءوق-دارى ساتىپ الىپ جاتىر.
بۇل تۋرالى اتالعان ۆەدومستۆو وكىلى شۇعىلا تۇرلىبەك ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ىشكى ىستەر مينيسترلىگى حالىقتان زاڭسىز ساقتالعان اتىس قارۋىن، ءوق-دارى مەن جارىلعىش زاتتاردى ساتىپ الۋ بويىنشا رەسپۋبليكالىق اكسيانى جالعاستىرىپ جاتىر. قارۋ-جاراقتى ءوز ەركىمەن تاپسىرعانى ءۇشىن قارۋدىڭ جاي-كۇيىنە قاراي ءارقايسىنا 10-نان 100-گە دەيىنگى ايلىق ەسەپتىك كورسەتكىش كولەمىندە تولەم كوزدەلگەن. قازىرگى تاڭدا پوليسياعا ەرىكتى تۇردە 1093 اتىس قارۋى تاپسىرىلدى»، - دەدى شۇعىلا تۇرلىبەك مينيسترلىكتە وتكەن باسپا ءسوز ءماسليحاتىندا.
وسى ورايدا مينيسترلىك زاڭسىز ساقتالعان قارۋ-جاراق ءۇشىن جاۋاپكەرشىلىك بارىن ەسكە سالدى.
«تاپسىرىلعان قارۋ-جاراقتىڭ ىشىندە 1 اۆتومات، 167 ويىق ۇزىن ۇڭعىلى، 4 ويىق قىسقا ۇڭعىلى، 910 تەگىس ۇڭعىلى، 11 تراۆماتيكالىق، 5 جارىلعىش قۇرىلعى بار. ودان بولەك، 8 مىڭنان استام پاترون الىندى. ەستەرىڭىزگە سالا كەتەيىك، قارۋ-جاراق زاتتارىن قابىلداۋ ءاربىر اۋماقتىق پوليسيا ورگانىندا جۇرگىزىلەدى»، - دەيدى ول.
بۇعان دەيىن مينيسترلىك وكىلى پاسپورتقا نەلىكتەن چيپ جاپسىرىلاتىنىن ءتۇسىندىرىپ ءوتتى.