ءوزارا ىنتىماقتاستىق تۋرالى كەلىسىم جاسالدى
«قازاقستان ينجينيرينگ» ۇك» اق سەربيانىڭ «YUGOIMPORT-SDPR» كومپانياسىمەن ءوزارا ىنتىماقتاستىق تۋرالى كەلىسىمگە قول قويدى. كەلىسىمگە وراي وتاندىق ۇشقىشسىز باسقارىلاتىن ۇشۋ اپپاراتتارى اتالعان مەملەكەتتىڭ نارىعىنا شىعارىلماق، دەپ حابارلايدى Almaty-akshamy.kz يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ
سونداي-اق كەلىسىم ەلدەر اراسىنداعى اسكەري تەحنيكالىق قۇرالداردى بىرلەسە ءوندىرۋ بويىنشا ءبىرقاتار ۋاعدالاستىقتاردى قامتيدى. ونىڭ ىشىندە زاماناۋي اسكەري قارۋ-جاراق تۇرلەرىن شىعارۋ، قورعانىس-ونەركاسىپ كەشەنى سالاسىنداعى ەڭ جاڭا الەمدىك ستاندارتتار مەن پراكتيكالاردى ەنگىزۋ كوزدەلگەن.
باسقوسۋعا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ، ۇلتتىق جانە شەتەلدىك كومپانيا وكىلدەرى، سونداي-اق جاۋاپتى ۇيىم باسشىلارى قاتىستى.
«قازاقستاندىق ءونىمنىڭ الەمدىك نارىققا شىعۋى بىزگە ۇلكەن مۇمكىندىك بەرەدى. سونىمەن قاتار سۇرانىستىڭ بولۋى – قازاقستاندىق ءونىمنىڭ شەتەلدىك وندىرۋشىلەرمەن باسەكەگە تۇسە الاتىندىعىنىڭ ايقىن كورسەتكىشى دەپ سانايمىن. الداعى ۋاقىتتا وسى تاراپتاعى ارىپتەستىگىمىزدى ارتتىرا تۇسەتىن بولامىز»، – دەپ اتاپ ءوتتى ق ر ييدم باسشىسى.
«قازاقستان ينجينيرينگ» ۇك» اق باسقارما ءتوراعاسى تەمىرجان ءابدىراحمانوۆتىڭ ايتۋىنشا، الداعى ۋاقىتتا قازاقستان مەن سەربيا كاسىپورىندارى 82 جانە 120 مم كاليبرلى زىمىران-ارتيللەريالىق وق-دارىلەر مەن مينومەتتەردى بىرلەسىپ وندىرمەك.
«ءبىزدىڭ كومپانيا ءۇشىن بۇل دامۋدىڭ ماڭىزدى كەزەڭى. شەتەلدىك نارىقتارعا شىعۋ – بۇل بىزگە ءوزىمىزدى تانىتۋعا، ءوندىرىستى كەڭەيتۋگە، باسقا ەلدەردىڭ ساتىپ الۋ الەۋەتىن پايدالانۋعا جانە سالانى دامىتۋعا مۇمكىندىك بەرەدى»، – دەدى ت. ءابدىراحمانوۆ.