تايلاندتىڭ جەرگىلىكتى اقپارات قۇرالدارى جىلدام جۇزەتىن قايىق پحۋكەت جاعالاۋىندا اپاتقا ۇشىراعانىن جازدى.
بورتتا 30-عا جۋىق ادام بولعان، ولاردىڭ اراسىندا قازاقستان، رەسەي، جۇڭگو جانە ۋكراينا ازاماتتارى بار، دەپ حابارلايدى Almaty-akshamy.kz.
Ulysmedia.kzء-تىڭ مالىمەتىنشە، قازاقستاننىڭ سىرتقى ىستەر مينيسترلىگى وقيعا كەزىندە قايىقتا ءتورت قازاقستاندىق ايەل بولعانىن ءتۇسىندىردى.
«ولاردىڭ ۇشەۋى مەديسينالىق كومەككە مۇقتاج. دارىگەرلەر تەكسەرگەننەن كەيىن ەكى جەرلەسىمىز اۋرۋحاناعا جاتقىزىلدى. جاعدايلارى تۇراقتى، دەنساۋلىقتارى مەن ومىرلەرىنە ەشقانداي ءقاۋىپ ءتونىپ تۇرعان جوق»، - دەدى ءسىم.
بارلىق شىعىندى قايىقتى يەلەنەتىن كومپانيا تولەيدى. ءبىزدىڭ كونسۋل زارداپ شەككەن قازاقستاندىق ايەلدەرمەن تۇراقتى بايلانىستا.
ايتا كەتەيىك، بۇعان دەيىن تايلاندتا قازاقستاندىق ءتۋريستتىڭ ءجونسىز ارەكەتى ءۇشىن ۇستالعانى حابارلانعان بولاتىن.