ازيا ۇستەل تەننيسى وداعى (ATTU) قاراعاندىدان شىققان تيمۋر قوجاقايەۆتىڭ ATTU تەحنيكالىق جانە تورەشىلەر كوميتەتىنىڭ مۇشەسى بولعانىن قازاقستان فەدەراسياسىنا حابارلادى.
بۇل قازاقستاندىق تورەشىنىڭ جوعارى بىلىكتىلىگىنىڭ ايقىن دالەلى، دەپ حابارلايدى aqshamnews.kz ۇوك-كە سىلتەمە جاساپ.
كوميتەتتىڭ نەگىزگى مىندەتتەرىنە مىنالار كىرەدى:
- ازيا كۋبوگى، ازيا چەمپيوناتى، سونداي-اق ATTU ۇيىمداستىراتىن تۋرنيرلەر مەن جارىستارعا تورەشىلەردى ىرىكتەۋ؛
- تورەشىلەردى دايارلاۋ جانە ولاردىڭ بىلىكتىلىگىن ارتتىرۋدى ۇيىمداستىرۋ؛
- ازيادا تورەشىلەرمەن جۇمىس ىستەۋ ءۇشىن نۇسقاۋشىلاردى دايىنداۋ؛
- تورەشىلەرگە ارنالعان سەمينارلار وتكىزۋ، ادىستەمەلىك جانە وقۋ-كەڭەس بەرۋ جۇمىستارىن جۇزەگە اسىرۋ.
ايتا كەتەيىك، تيمۋر قوجاقايەۆ – ەلىمىزدەگى جالعىز Blue Badge ساناتىنداعى حالىقارالىق تورەشى. بۇل سانات وعان الەم، ازيا، ەۋروپا چەمپيوناتتارىنىڭ شەشۋشى كەزەڭدەرىندە جانە وليمپيادا ويىندارىندا تورەشىلىك ەتۋگە مۇمكىندىك بەرەدى.